సూపర్ స్టార్ కూలి.. ఎంతవరకు వచ్చింది?

కోలీవుడ్ స్టార్ డైరెక్టర్ లోకేష్ కనగరాజ్ నెక్స్ట్ మూవీ సూపర్ స్టార్ రజినీకాంత్ తో చేయబోతున్న సంగతి తెలిసిందే. లోకేష్ సినిమాటిక్ యూనివర్స్ లో భాగంగానే ఈ చిత్రం రెడీ అవుతోంది. భారీ బడ్జెట్ తో పాన్ ఇండియా ప్రాజెక్ట్ గా కూలి మూవీని లోకేష్ సిద్ధం చేయబోతున్నారు. ఇప్పటికే ఈ మూవీ నుంచి టైటిల్ టీజర్ రిలీజ్ అయ్యి వైరల్ అయ్యింది. సూపర్ స్టార్ రజినీకాంత్ ఈ మూవీలో గ్యాంగ్ స్టార్ గా కనిపించబోతున్నట్లు తెలుస్తోంది.

లోకేష్ సినిమాటిక్ యూనివర్స్ నుంచి మూవీ వస్తుందంటే ఎక్స్ పెక్టేషన్స్ పెరిగిపోతాయి. అలాంటిది ఈ సారి ఏకంగా సూపర్ స్టార్ రజినీకాంత్ ని లోకేష్ రంగంలోకి దించుతున్నాడు. గత ఏడాది జైలర్ మూవీతో సూపర్ స్టార్ రజినీకాంత్ బ్లాక్ బస్టర్ హిట్ ని ఖాతాలో వేసుకున్నారు. దాని తర్వాత జై భీమ్ ఫేమ్ జ్ఞాన్ వేల్ దర్శకత్వంలో వేట్టయాన్ మూవీ చేస్తున్నారు.

ఈ సినిమా పోస్ట్ ప్రొడక్షన్ వర్క్ ప్రస్తుతం జరుగుతున్నట్లు తెలుస్తోంది. మల్టీ స్టారర్ చిత్రంగా వేట్టయాన్ రాబోతోంది. తెలుగు, మలయాళీ, హిందీ భాషలకి చెందిన యాక్టర్స్ ఈ చిత్రంలో నటించారు. పాన్ ఇండియా ప్రాజెక్ట్ గానే ఈ సినిమా కూడా రాబోతోంది. ఆల్ మోస్ట్ ఈ ఏడాదిలోనే వేట్టయాన్ రిలీజ్ అయ్యే అవకాశం ఉంది. ఇదిలా ఉంటే లోకేష్, రజినీకాంత్ తో చేయబోయే కూలి సినిమా షూటింగ్ జులై 1 నుంచి మొదలు పెట్టబోతున్నాడంట.

ప్రస్తుతం ఈ మూవీ ప్రీప్రొడక్షన్ వర్క్ జరుగుతోంది. అలాగే క్యాస్టింగ్ ని ఫైనల్ చేసే ప్రయత్నం చేస్తున్నారు. స్క్రిప్ట్ వర్క్ మొత్తం కంప్లీట్ అయిపోయిందట. త్వరలో ఈ సినిమాకి సంబందించిన షూటింగ్ అప్డేట్స్ ని చిత్ర యూనిట్ అఫీషియల్ గా ఎనౌన్స్ చేసేఛాన్స్ ఉందంట. జైలర్ తో గత ఏడాది 600+ కోట్ల కలెక్షన్స్ అందుకున్న సూపర్ స్టార్ రజినీకాంత్ లోకేష్ కనగరాజ్ మూవీతో 1000 కోట్ల మార్క్ ని అందుకుంటాడని ఆయన అభిమానులు అంచనా వేస్తున్నారు.

లోకేష్ కనగరాజ్ కూడా ఈ సినిమాపై చాలా ఎక్కువ ఫోకస్ చేస్తున్నారు. లియో సినిమా కమర్షియల్ సక్సెస్ అందుకున్న సైతం కంటెంట్ పరంగా విమర్శలు ఎదురయ్యాయి. అయితే విజయ్ ఇమేజ్ కారణంగా సినిమాకి మంచి వసూళ్లు వచ్చాయి. ఈ నేపథ్యంలో రజినీకాంత్ తో చేస్తోన్న కూలి విషయంలో అలాంటి పొరపాట్లు లేకుండా చూసుకోవాలని లోకేష్ కనగరాజ్ గట్టిగా వర్క్ చేస్తున్నారు.