రామ్ తో... త్రివిక్రమ్‌ చేతిలోనే ఉంది
సినిమా ఇండస్ట్రీలో స్టార్ డమ్‌ దక్కించుకున్న వారిలో చాలా మంది ఏదో ఒక సమయంలో ఎవరి సహాయం పొంది ఉండటం లేదా మద్దతు పొంది ఉండటం జరుగుతుంది
సినిమా ఇండస్ట్రీలో స్టార్ డమ్‌ దక్కించుకున్న వారిలో చాలా మంది ఏదో ఒక సమయంలో ఎవరి సహాయం పొంది ఉండటం లేదా మద్దతు పొంది ఉండటం జరుగుతుంది. ఇప్పుడు స్టార్ దర్శకులు అయిన చాలా మంది ఒకప్పుడు ఒక్క ఛాన్స్ అంటూ తిరిగిన వారే. వారికి మొదటి అవకాశం ఇచ్చిన వారిని స్టార్ దర్శకులు ఎప్పుడూ కూడా మర్చిపోరు.. పోకూడదు.
మాటల మాంత్రికుడు త్రివిక్రమ్‌ తనకు సినిమా ఇండస్ట్రీ లో అవకాశాలు ఇచ్చిన నిర్మాత స్రవంతి రవికిషోర్ ను అస్సలు మర్చిపోడు. ఆ విషయాన్ని చాలా సార్లు, చాలా సందర్భాల్లో త్రివిక్రమ్‌ గుర్తు చేసుకున్న విషయం తెల్సిందే. ఆ విశ్వాసంతోనే స్రవంతి రవి కిషోర్ బ్యానర్ లో రామ్ హీరోగా త్రివిక్రమ్‌ ఒక సినిమాను చేస్తానంటూ గతంలోనే ప్రకటించాడు.
ఇప్పుడు స్టార్ హీరోలతో వందల కోట్ల రేంజ్ సినిమాలను రూపొందిస్తున్న త్రివిక్రమ్‌ ఇప్పటికిప్పుడు రామ్ తో సినిమాను చేయలేక పోయినా కూడా భవిష్యత్తులో కచ్చితంగా ఉంటుంది అంటూ చాలా ఏళ్లుగా ప్రచారం జరుగుతోంది. తాజాగా స్రవంతి రవి కిషోర్ ఆ విషయమై స్పందిస్తూ ఆసక్తికర వ్యాఖ్యలు చేయడం జరిగింది.
రామ్ హీరోగా త్రివిక్రమ్‌ దర్శకత్వంలో ఒక సినిమాను చేయాలని నాకూ ఉంది. అయితే మా శ్రీను ముందు చాలా కమిట్మెంట్స్ ఉన్నాయి. అవన్నీ త్రివిక్రమ్‌ చూసుకోవాల్సి ఉంటుంది. రామ్ కోసం ఈ స్క్రిప్ట్‌ బాగుంటుందని ఆయన తీసుకుని వస్తే తప్పకుండా సినిమా ను నిర్మించేందుకు రెడీగా ఉన్నాం. ఆ సమయం కోసం వెయిట్‌ చేస్తూ ఉంటాను అన్నారు.
మొత్తానికి రామ్ తో సినిమా బాధ్యత మొత్తం త్రివిక్రమ్‌ చేతిలో పెట్టేసినట్లుగా నిర్మాత స్రవంతి రవి కిషోర్ మాట్లాడాడు. ఒకరకంగా చూసుకుంటే ఇది కచ్చితంగా త్రివిక్రమ్‌ ను ఇరుకున పెట్టినట్లే అంటూ కొందరు అభిప్రాయం వ్యక్తం చేస్తున్నారు. ఇప్పుడు కాకున్నా కచ్చితంగా రామ్ తో త్రివిక్రమ్‌ సినిమా ఉంటుంది. దాని కోసం ప్రేక్షకులు ఎన్నాళ్లు వెయిట్‌ చేయాల్సి ఉంటుంది అనేది త్రివిక్రమ్‌ చేతిలో ఉంది.