యానిమల్​.. ఈ దెబ్బతో ఓపెనింగ్స్ తగ్గుతాయా?

దర్శకుడు సందీప్ వంగా నుంచి రాబోతున్న గ్యాంగ్​స్టర్ థ్రిల్లర్ ఫిల్మ్​ యానిమల్. రీసెంట్​గా ఈ చిత్రం నుంచి 'నే వేరే.. నువ్వు వేరే కాదు నేస్తమా' అంటూ సాగే ఓ ఎమోషనల్ ట్రాక్ రిలీజైంది. ఇందులో.. పెళ్లి తర్వాత వచ్చే సమస్యల వల్ల రణ్​బీర్​-రష్మిక బాధపడటం, ఆ తర్వాత రణ్​బీర్ ఆమెను బుజ్జగించడం, ఇంకా ఇతర లవ్ అండ్ ఎమోషన్స్​ సీన్స్​ను చూపించారు. సాంగ్ మొత్తం సందీప్ మార్క్​ బాగానే కనిపించినప్పటికీ.. ఎందుకో ఈ పాట సినిమా హైప్​ను మరింతగా పెంచేంత ఇంట్రెస్ట్​ను క్రియేట్​ చేయలేకపోయింది!

అమ్మాయి అంటూ రిలీజైన మొదటి మెలోడియస్ సాంగ్ విషయంలోనూ ఇదే జరిగింది. రణ్​బీర్ - రష్మిక బోల్డ్​ లవ్​, రొమాంటిక్ కిస్​లు, కెమిస్ట్రీ, పెళ్లి చేసుకోవడం వంటివి ఇందులో చూపించారు. ఈ పాట మొదట్లో సోషల్ మీడియాలో కాస్త బజ్ క్రియేట్ చేసినప్పటికీ ఆ తర్వాత ఎందుకో స్లోగా డౌన్ అయిపోయింది. చార్ట్​బస్టర్​ అవ్వలేకపోయింది. ​

అలా ఈ రెండు పాటలు విజువల్స్ పరంగా వింటూ చూస్తుంటే బాగున్నాయి కానీ.. స్పెషల్​గా ఆడియో రూపంలో వింటూ ఆస్వాదించేలా శ్రోతలకు అనిపించలేదన్న అభిప్రాయాలు వినిపిస్తున్నాయి. మొత్తంగా సినిమా హైప్​ను పెంచడంలో ఈ రెండు సాంగ్స్​ ఫెయిల్ అయ్యాయని అంటున్నారు.

ఇకపోతే డిసెంబర్ 1న రిలీజ్​ కానున్న ఈ మూవీ ఓపెనింగ్స్ రూ.30-35కోట్ల వరకు వస్తాయని ట్రేడ్ వర్గాలు అంచనా వేశాయి. కానీ ఇప్పుడు ఈ సాంగ్స్​ చార్ట్​బస్టర్​ అవ్వకపోవడం వల్ల.. ఓపెనింగ్​ డే రూ.25కోట్ల వరకు మాత్రమే నెట్​ వసూళ్లు రావొచ్చని అంటున్నారు.

దీంతో ఇప్పుడు అందరీ కళ్లు ట్రైలర్​పై పడ్డాయి. దీన్ని నవంబర్​ రెండు లేదా మూడో వారంలో విడుదల చేసేలా మూవీటీమ్ ప్లాన్ చేస్తోంది. చూడాలి మరి ఇది ఎలా ఉంటుందో, సినిమా హైప్​ను మరింత పెంచడంలో ఎంత వరకు ఉపయోగపడుతుందో.. ఇకపోతే సినిమాలో రణ్​బీర్ కపూర్ తండ్రిగా అనిల్ ​కపూర్ నటిస్తుండగా.. బాబీ డియోల్​ ఓ కీలక పాత్రలో కనిపించనున్నారు.