'ఫ్యామిలీ స్టార్' కోసం యానిమాల్ బ్యూటీ.. సర్ ప్రైజ్?

సంక్రాంతి రేసు నుంచి తప్పుకున్న 'ఫ్యామిలీ స్టార్' కొత్త రిలీజ్ డేట్ కోసం ఎదురు చూస్తున్నాడు. అలా అని షూటింగ్ అయితే ఆపలేదు. రీసెంట్ గా వీసా ఇష్యూస్ తో ఫారిన్ షెడ్యూల్ క్యాన్సిల్ అయిందనే విషయం వాస్తవమే కానీ ప్రజెంట్ ముంబైలో సాంగ్ షూటింగ్ శరవేగంగా జరుగుతోంది. కథ ప్రకారం ఫారెన్ లోకేషన్ డిమాండ్ లేకపోవడంతో పరుశురాం ఇక్కడే షెడ్యూల్ ప్లాన్ చేశాడు.

ఎప్పుడూ సంక్రాంతి బరిలో కచ్చితంగా తన సినిమా ఉండేలా ప్లాన్ చేసుకునే దిల్ రాజు ఈసారి పంతం విడిచి పొంగల్ రేస్ నుంచి డ్రాప్ అవ్వాలని డిసైడ్ చేసుకున్నట్లు తెలుస్తోంది. సంక్రాంతి రేస్ నుంచి తప్పుకుంటున్నట్లు ఇంకా అఫీషియల్ అనౌన్స్మెంట్ ఏమీ రాలేదు. వచ్చేవరకు ఫ్యామిలీ స్టార్ కూడా పొంగల్ బరిలో ఉన్నట్టే. సినిమా రిలీజ్ కి ఇంకా టైం ఉన్నందున ఇందులో కొన్ని ప్రత్యేక ఆకర్షణలు జోడిస్తున్నట్లు తెలుస్తోంది.

తాజా సమాచారం ప్రకారం ఫ్యామిలీ స్టార్ మూవీలో నేషనల్ రష్మిక మందన్న క్యామియో రోల్ చేస్తుందట. టాలీవుడ్ లో రష్మిక కి అతి పెద్ద బ్రేక్ ఇచ్చిన డైరెక్టర్ పరుశురాం. 'గీత గోవిందం' తోనే రష్మిక కి స్టార్ స్టేటస్ వచ్చింది. ఈ సినిమా తర్వాత ఆమెకి వెనక్కి తిరిగి చూసుకునే అవకాశం రాలేదు. బ్యాక్ టు బ్యాక్ ఆఫర్స్ అందుకొని పాన్ ఇండియా హీరోయిన్ గా గుర్తింపు తెచ్చుకుంది. దానికి తోడు విజయ్ దేవరకొండ సినిమా అంటే రష్మిక నో చెప్పే ఛాన్స్ లేదు.

ఈ ఇద్దరి మధ్య ఎలాంటి బాండింగ్ ఉందో ప్రత్యేకంగా చెప్పనక్కర్లేదు. వీళ్ళ మధ్య సంథింగ్ సంథింగ్ నడుస్తోందని ఎంతో కాలంగా వార్తలు వస్తూనే ఉన్నాయి. కానీ వీళ్ళ రిలేషన్ గురించి ఇద్దరు ఇప్పటిదాకా బయటపడలేదు. ఒకవేళ ఫ్యామిలీ స్టార్ లో రష్మిక క్యామియో కన్ఫర్మ్ అయితే ఇది కాస్త సినిమాకి స్పెషల్ అట్రాక్షన్ అవుతుందని చెప్పడంలో సందేహం లేదు. గీత గోవిందం తో ఈ జంట చేసిన మ్యాజిక్ అంత త్వరగా మర్చిపోలేం. కాబట్టి వీరిద్దరూ మరోసారి కాసేపైనా అలరిస్తే అభిమానులకు అంతకంటే కావాల్సిందేముంది.

వచ్చే ఏడాది మార్చిలో ఈ సినిమాని విడుదల చేయాలని అనుకుంటున్న మేకర్స్ జనవరి నెలాఖరు కూడా ఓ ఆప్షన్ గా పెట్టుకున్నారు. జనవరి చివరి వారంలో రిపబ్లిక్ డే కావడంతో బాలీవుడ్ నుండి హృతిక్ రోషన్ ఫైటర్, కోలీవుడ్ నుంచి విక్రమ్ తంగలాన్ ఇలాంటి సినిమాలు రిలీజ్ అవుతున్నాయి. దాంతో ఫ్యామిలీ స్టార్ రిలీజ్ కు సంబంధించి నిర్మాతలు ఇంకా నిర్ణయం తీసుకోలేదు.