ఇంతకీ ఫ్యామిలీ స్టార్ లో రష్మిక ఉన్నట్టా లేనట్టా..!

రౌడీ హీరో విజయ్ దేవరకొండ పరశురామ్ డైరెక్షన్ లో వస్తున్న సినిమా ఫ్యామిలీ స్టార్. దిల్ రాజు నిర్మిస్తున్న ఈ సినిమాలో మృణాల్ ఠాకూర్ హీరోయిన్ గా నటిస్తుంది. ఈమధ్యనే రిలీజైన ఐరనే వంచాలా ఏంటి టీజర్ సినిమాపై అంచనాలు పెంచింది. గీతా గోవిందం కాంబినేషన్ లో వస్తున్న ఫ్యామిలీ స్టార్ పై ఆడియన్స్ లో పాజిటివ్ బజ్ ఉంది. అయితే ఈ సినిమా లో నేషనల్ క్రష్ రష్మిక కూడా ఉంటుందని టాక్ వచ్చింది. సినిమాలో రష్మిక కేమియో సర్ ప్రైజ్ చేస్తుందని అంటున్నారు.

ఫ్యామిలీ స్టార్ లో రష్మిక స్పెషల్ సాంగ్ చేస్తుందని వార్తలు వచ్చాయి. అయితే వీటిపై ఒక క్లారిటీ రావాల్సి ఉంది. విజయ్ ఫ్యామిలీ స్టార్ లో రష్మిక ఉన్నట్టా లేనట్టా అనే డౌట్ కొనసాగుతూనే ఉంది. విజయ్ సినిమాకు రష్మిక లకీ ఛార్మ్ అవ్వాలని చూస్తుంది. పరశురాం విజయ్ దేవరకొండ కాంబోలో వచ్చిన గీతా గోవిందం లో రష్మిక హీరోయిన్ కాబట్టి ఆ సెంటిమెంట్ తో ఫ్యామిలీ స్టార్ లో రష్మిక ను తీసుకోవాలని ప్లాన్ చేస్తున్నారు. మరి ఈ ప్లాన్ ఎంతవరకు వర్కవుట్ అవుతుంది అన్నది చూడాలి.

ఇక రష్మిక సినిమాల విషయానికి వస్తే రీసెంట్ గా యానిమల్ తో సెన్సేషనల్ హిట్ అందుకున్న రష్మిక బాలీవుడ్ లో తన క్రేజ్ డబుల్ చేసుకుంది. ఇక నెక్స్ట్ ఇయర్ పుష్ప 2 తో మరో సంచలనం సృష్టించబోతుంది. ఇదే కాకుండా రెయిన్ బో, గర్ల్ ఫ్రెండ్ అంటూ రెండు లేడీ ఓరియెంటెడ్ సినిమాల్లో నటిస్తుంది రష్మిక. ఈ సినిమాలతో పాన్ ఇండియా లెవెల్ లో తనకు తిరుగు లేదనేలా చేసుకోవాలని చూస్తుంది.

విజయ్ తో స్పెషల్ రిలేషన్ షిప్ పై రష్మిక ఎప్పుడు నోరు విప్పలేదు. వాళ్లిద్దరి మధ్య ఏదో జరుగుతుంది అని అనిపించినా విజయ్ రష్మిక ఇద్దరు మాత్రం ఆ విషయంపై సైలెన్స్ మెయింటైన్ చేస్తుంటారు. గీతా గోవిందం, డియర్ కామ్రెడ్ రెండు సినిమాల్లో కలిసి నటించిన ఈ ఇద్దరు కలిసి మరో సినిమా చేస్తే చూడాలని ఫ్యాన్స్ కోరుతున్నారు. ఈ ఇద్దరి జంటకి క్రేజీ ఫ్యాన్స్ ఉన్నారు. వీరి కాంబో సినిమా కోసం వారంతా కూడా చాలా ఎగ్జైటింగ్ గా ఎదురుచూస్తున్నారు. ఇద్దరు కలిసి మరి ఎలాంటి సినిమాతో వస్తారో దానికి ఎంత టైం తీసుకుంటారో చూడాలి.