నాగ‌వంశీ బావ‌మ‌రిది రుష్య డెబ్యూ మూవీ అప్డేట్

టాలీవుడ్ లో కొత్త ప్ర‌తిభ‌కు ఎప్పుడూ మంచి ఆద‌ర‌ణే ఉంటుంది. ఈ నేప‌థ్యంలో ప్ర‌ముఖ నిర్మాత నాగ‌వంశీ కుటుంబం నుంచి ఇప్పుడో హీరో టాలీవుడ్ కు ప‌రిచ‌యం కాబోతున్నాడు. హారికా హాసినీ క్రియేష‌న్స్ నిర్మాత చిన‌బాబు ద్వారా ఆయ‌న సోద‌రుడి కొడుకు నాగ‌వంశీ సితార ఎంట‌ర్టైన్మెంట్స్ తో ఇండ‌స్ట్రీలోకి వ‌చ్చి త‌న‌కంటూ స్పెష‌ల్ గుర్తింపు ద‌క్కించుకుని టాలీవుడ్ లో స‌క్సెస్‌ఫుల్ నిర్మాత‌గా దూసుకెళ్తున్నాడు.

అయితే ఇప్పుడు నాగ‌వంశీ బావ మ‌రిది రుష్య హీరోగా అరంగేట్రం చేయ‌బోతున్న‌ట్టు తెలుస్తోంది. ఫిబ్ర‌వ‌రి 7న ఈ ప్రాజెక్టు గ్రాండ్ గా మొద‌ల‌వ‌నుంద‌ని ఇప్ప‌టికే తుపాకీ తెలిపింది. అయితే ఈ సినిమాకు సంబంధించిన వివ‌రాలేమీ ఇప్ప‌టివ‌ర‌కు అఫీషియ‌ల్ గా అనౌన్స్ చేసింది లేదు. నాగ వంశీ బావ మ‌రిదిని ఓ కొత్త డైరెక్ట‌ర్ లాంచ్ చేస్తున్న‌ట్లు స‌మాచారం.

ఆ కొత్త డైరెక్ట‌ర్ పేరు శంక‌ర్. ఈ యంగ్ డైరెక్టర్ ఇప్ప‌టికే ప‌లు సినిమాల‌కు ప‌ని చేయ‌గా అందులో సూప‌ర్ హిట్ ఫిల్మ్స్ జాతి ర‌త్నాలు, మ్యాడ్ కూడా ఉన్నాయి. రొమాంటిక్ కామెడీ జాన‌ర్ లో ఈ సినిమా రూపొంద‌నుంద‌ని స‌మాచారం. ప్ర‌ముఖ నిర్మాత బెన్నీ ముప్ప‌నేని నిర్మించ‌నున్న ఈ సినిమా కోసం మిర్నా ని హీరోయిన్ గా తీసుకోవాల‌ని చూస్తున్నార‌ట‌.

ఇదిలా ఉంటే ఈ సినిమాకు డాన్ బాస్కో అనే టైటిల్ ను ప‌రిశీలిస్తున్న‌ట్లు స‌మాచారం. ఈ సినిమాను నాగ వంశీ నిర్మించ‌క‌పోయిన‌ప్ప‌టికీ బ్యాక్ గ్రౌండ్ లో ఆయ‌న స‌పోర్ట్ ప్ర‌తీ విష‌యంలోనూ ఉంటుంద‌ని ప్ర‌త్యేకంగా చెప్ప‌న‌క్క‌ర్లేదు. ఫిబ్ర‌వరి 7న జ‌ర‌గ‌నున్న ఈ సినిమా లాంచ్ కు ప‌లువురు ఇండ‌స్ట్రీ ప్ర‌ముఖులు హాజ‌రుకానున్న‌ట్టు స‌మాచారం. మ‌రి ఈ సినిమాతో నాగ‌వంశీ బావ మ‌రిది ఎలాంటి ఫ‌లితాన్ని అందుకుంటాడో చూడాలి.