తేజ్ స్వామివారి చెంత‌కు అందుకే!
ఈ నేప‌థ్యంలో తాజాగా సాయితేజ్ మంగళవారం తిరుమల తిరుపతి కలియుగ దైవం శ్రీ వేంకటేశ్వర స్వామిని ద‌ర్శ‌కించుకున్నారు
యంగ్ హీరో సాయితేజ్ బ్యాడ్ ఫేజ్ ని దాటి గుడ్ ఫేజ్ లో న‌డుస్తోన్న సంగ‌తి తెలిసిందే. వ‌రుస వైఫ‌ల్యా లు..యాక్సిడెంట్ లాంటి స‌న్నివేశాల త‌ర్వాత 'విరూపాక్ష'తో యంగ్ హీరో బ్లాక్ బ‌స్ట‌ర్ అందుకుని రెట్టించిన ఉత్సాహంతో రంగంలోకి దిగాడు. ప్ర‌స్తుతం సంపత్ నంది ద‌ర్శ‌క‌త్వంలో 'గాంజా శంక‌ర్' లో న‌టిస్తున్నాడు. దీంతో పాటు కొత్త ప్రాజెక్ట్ లు లైన్ లో పెడుతున్నాడు. ఇక మెగా ఇంట సంతోషాల వెల్లువ న‌డుస్తోంది.
ఈ నేప‌థ్యంలో తాజాగా సాయితేజ్ మంగళవారం తిరుమల తిరుపతి కలియుగ దైవం శ్రీ వేంకటేశ్వర స్వామిని ద‌ర్శ‌కించుకున్నారు. ఉదయం స్వామి వారి నైవేద్య విరామ సమయంలో తేజ్ స్వామి వారి సేవలో పాల్గొని మొక్కలు చెల్లించారు. ద‌ర్శ‌నాంత‌రం ఆలయ రంగ‌నాయ‌కులు మండ‌పంలో వేద పండితులు సాయితేజ్ కి వేద ఆశీర్వాదంచారు. అనంత‌రం ఆలయ అధికారులు పట్టు వస్త్రంతో సత్కరించి స్వామివారి తీర్థప్రసాదాలు అందజేశారు.
ఈ సంద‌ర్భంగా సాయితేజ్ మాట్లాడుతూ.. 'మా వ‌రుణ్ బాబు పెళ్లి బాగా జ‌రిగింది. త‌మ్ముడు సినిమా రిలీజ్ అయింది. అందుకే స్వామివారి ద‌ర్శ‌ననానికి వ‌చ్చాను. నా త‌దుప‌రి సినిమా సంక్రాంతి త‌ర్వాత లాంచ్ అవుతుంది' అన్నారు. అలాగే ఐకాన్ స్టార్ అల్లు అర్జున్ కు జాతీయ అవార్డు రావ‌డంపై తొలిసారి మాట్లాడా రు. బ‌న్నీకి అవార్డు రావ‌డం గ‌ర్వంగా ఉంది. తెలుగు సినిమాలు పాన్ ఇండియాలోనే కాక పాన్ వ‌ర‌ల్డ్ లోనూ స‌త్తా చాట‌టం గొప్ప విష‌యం. ఇంకా మంచి సినిమాల‌తో ఇండ‌స్ట్రీ క‌ళ క‌ళ‌లాడాలి' అని అన్నారు.
ప్ర‌స్తుతం సాయితేజ్ 'గాంజా శంక‌ర్' షూటింగ్ కోసం వెయిట్ చేస్తున్నాడు. ఆ పాత్ర కోసం సిద్ద‌మ‌వు తున్నాడు. తేజ్ నుంచి రాబోతున్న మ‌రో మాస్ సినిమా అని చెప్పొచ్చు. ఇంత‌వ‌ర‌కూ సంపత్ నింది తెర‌కెక్కించిన సినిమాల‌న్నీ మాస్ చిత్రాలో. ద‌ర్శ‌కుడిగా మాస్ లో ఆయ‌న‌కు మంచి ఫాలోయింగ్ ఉంది. అలాంటి మాస్ మేక‌ర్ కి మెగా మేన‌ల్లుడు దొరికాడు. మ‌రి ఈ హీరోని టైటిల్ త‌గ్గ‌ట్టు ఎలా హైలైట్ చేస్తారు? అన్న‌ది చూడాలి.