కన్నప్ప.. నాధనందుడు ఎవరంటే..

మంచు విష్ణు డ్రీమ్ ప్రాజెక్ట్ కన్నప్ప సినిమా పాన్ ఇండియన్ ప్రాజెక్ట్ గా తెరకెక్కుతోంది. ముఖేష్ కుమార్ సింగ్ ఈ సినిమాకి దర్శకత్వం వహించారు. ఇతను హిందీలో మహాభారతం సీరియల్ ని తెరకెక్కించారు. ఇదిలా ఉంటే ఇప్పటికే కన్నప్ప సినిమా నుంచి టీజర్ ని ప్రేక్షకుల ముందుకి తీసుకొచ్చారు. ఈ టీజర్ కి పాజిటివ్ రెస్పాన్స్ వచ్చింది. అలాగే కొంతమంది ట్రోలింగ్స్ కూడా చేశారు. సుమారు 100 కోట్ల బడ్జెట్ తో మంచు మోహన్ బాబు ఈ చిత్రాన్ని నిర్మిస్తున్నారు.

భారతీయ పురాణాల కథ ఆధారంగా కన్నప్ప మూవీ తెరకెక్కుతోంది. శ్రీకాళహస్తిలో నిజంగా జరిగిన భక్త కన్నప్ప వృత్తాంతానికి కన్నప్ప సినిమా ద్వారా దృశ్యరూపం ఇస్తున్నారు. ఇందులో టైటిల్ రోల్ ని మంచు విష్ణు పోషిస్తున్నారు. అయితే ఈ సినిమాలో ఎంత ఒరిజినల్ కథని తీసుకున్నారు. ఏ మేరకు ఫిక్షనల్ జోడించారు అనేది పూర్తిగా తెలియదు. కానీ కన్నప్ప ప్యూర్ హిస్టరీ బేస్డ్ గా తెరకెక్కిన చిత్రం అని మంచు విష్ణు ఇప్పటికే మీడియాకి తెలియజేశారు.

ఈ సినిమాలో డార్లింగ్ ప్రభాస్, బాలీవుడ్ స్టార్ అక్షయ్ కుమార్, మలయాళీ సూపర్ స్టార్ మోహన్ లాల్ కీలక పాత్రలలో నటించారు. అలాగే శరత్ కుమార్, మంచు మోహన్ బాబు కూడా కథలో కీలకమైన క్యారెక్టర్స్ ని చేశారు. తాజాగా శరత్ కుమార్ చేసిన క్యారెక్టర్ పోస్టర్ ని చిత్ర యూనిట్ రిలీజ్ చేసింది. మూవీలో నాధనందుడు అనే పాత్రలో శరత్ కుమార్ నటించారని చెప్పారు.

తాజాగా ఈ క్యారెక్టర్ బ్యాక్ డ్రాప్ ని కూడా 24 ఫ్రేమ్ ఫ్యాక్టరీ ద్వారా తెలియజేశారు. నాధనందుడు పాండవులలో ఒకడైన భీమసేనుడు, హిడింబి వంశ వారసుడు అని తెలియజేశారు. అలాగే కోయలకి నాయకుడిగా అతని పాత్ర ఉంటుందని పోస్టర్ ద్వారా కన్ఫర్మ్ చేశారు. ఈ పాత్ర మూవీలో చాలా పవర్ ఫుల్ గా ఉండబోతోందనే విషయాన్ని కూడా రివీల్ చేశారు. కన్నప్ప క్యారెక్టర్ కూడా కోయ కమ్యూనిటీకి చెందినదిగానే ఉంటుంది.

ట్రైబల్ వారియర్ గా ఉన్న మహావీరుడైన కన్నప్ప పరమశివభక్తుడుగా ఎలా మారాడు అనేది ఈ కన్నప్ప మూవీలో చూపించబోతున్నారంట. మోహన్ బాబు క్యారెక్టర్ కూడా సినిమాలో చాలా స్ట్రాంగ్ గా ఉండబోతోందని తెలుస్తోంది. స్టార్ క్యాస్టింగ్ మూవీలో ఉండటంతో పాన్ ఇండియా లెవల్ గట్టిగా సౌండ్ క్రియేట్ చేసే ఛాన్స్ ఉందని సినీ విశ్లేషకులు అంటున్నారు.