నాని 'శనివారం' పుకార్లే పుకార్లు

నేచురల్ స్టార్ నాని కొత్త సినిమా 'సరిపోదా శనివారం' ఇటీవలే అధికారిక ప్రకటన వచ్చింది. తాజాగా లాంచనంగా షూటింగ్ కార్యక్రమాలు కూడా జరిగాయి. వివేక్ ఆత్రేయ సినిమా క్లాప్ పడకుండానే అంచనాలు ఆకాశానికి పెరిగేలా చేశాడు. పరిస్థితి చూస్తూ ఉంటే నాని ని కొత్తగా చూపించడంతో పాటు హిట్ ఇచ్చేలా ఉన్నాడు అంటూ ఫ్యాన్స్ తెగ సంబర పడుతున్నారు.

వివేక్ ఆత్రేయ గత చిత్రాల్లో కథ మరియు స్క్రీన్‌ ప్లే దేనికి అదే అన్నట్లుగా విభిన్నంగా ఉంటుంది. ఇక ఈ సినిమా కథ కూడా చాలా విభిన్నంగా ఉంటుందని ఇప్పటికే విడుదల అయిన ప్రోమోను చూస్తూ ఉంటే అనిపిస్తుంది. టైటిల్ మరియు నాని లుక్‌, ఆయన బాడీ లాంగ్వేజ్ ను చూసి చాలా మంది నెటిజన్స్ ఎవరికి ఇష్టం వచ్చినట్లుగా వారు కథ లను అల్లేసుకుంటున్నారు.

ఎక్కువ శాతం మంది నానికి శనివారం ఒక్క రోజు సూపర్‌ పవర్స్ వస్తాయి. ఆ రోజు తన వారికి, తన చుట్టూ ఉన్న వారి కోసం అన్నట్టుగా నాని శత్రువులతో పోరాటం చేస్తాడు. మిగిలిన రోజు చాలా నార్మల్‌ వ్యక్తిగా మాత్రమే నాని ఉంటాడు అంటూ కథలు అల్లేసుకుంటున్నారు. అసలు కథ ఏంటో కానీ ఈ లైన్ భలే ఉందని కొందరు అభిప్రాయం వ్యక్తం చేస్తున్నారు.

కథ ను అంత సింపుల్ గా దర్శకుడు ఊహించే విధంగా డిజైన్ చేసి ఉండడు. ఇంకా ఏదో కొత్త పాయింట్ నే దర్శకుడు చూపించే అవకాశాలు ఉన్నాయి. మొత్తానికి నాని మరియు వివేక్ ఆత్రేయ సినిమా గురించి అప్పుడే రిలీజ్ సమయం లో ఎలా అయితే చర్చలు జరుగుతాయో అలాంటి చర్చలు మొదలు అయ్యేలా చేశారు.

నాని పెద్ద పెద్ద ఇనుప గొలుసులు తెంచేయడం, ఆ బాడీ లాంగ్వేజ్ ను చూస్తూ ఉంటే గతంలో చూడని నానిని చూస్తామేమో అనిపిస్తుంది. మరి కొందరు మాత్రం ఇదంతా కామెడీ కాదు కదా అంటూ సెటైర్లు వేస్తున్నారు. నాని ని ఎలా చూపించబోతున్నాడు.. ఫ్యాన్స్ ని ఎలా సర్ ప్రైజ్ చేస్తాడా అంటూ దర్శకుడు వివేక్ ఆత్రేయ వైపు చూస్తున్నారు.