జవాన్.. షారుక్ పాత్ర ఎలా ఉండబోతుందంటే

మరో రోజులో బాలీవుడ్ బాద్ షా షారుక్ ఖాన్ నటించిన జవాన్ ప్రేక్షకుల ముందుకు రాబోతుంది. ఈ సినిమా కోసం దేశవ్యాప్తంగా ఉన్న ఆయన అభిమానులు, సినీ ప్రియులంతా ఎంతో ఆసక్తిగా ఎదురుచూస్తున్నారు. ఇప్పటికీ రిలీజైన టీజర్, ట్రైలర్, సాంగ్స్ ప్రేక్షకుల్ని బాగానే ఆకట్టుకున్నాయి. సినిమాపై మంచి హైప్ నే క్రియేట్ చేశాయి. అయితే ఈ చిత్రంలో షారుక్ ద్విపాత్రాభినయం చేసిన సంగతి తెలిసిందే.

పోలీస్ అధికారిగా, రా ఆఫీసర్ గా, అలాగే హైజాక్ చేసే ఓ నెగటివ్ పాత్రలోనూ షారుక్ డిఫరెంట్ గెటప్స్ లో కనిపించారు. ఇక విజయ్ సేతుపతి దేశానికి విరుద్ధంగా వెపన్ స్మగ్లర్ గా కనిపించి ఆకట్టుకున్నారు. దీంతో వీరిద్దరి తెరపై చూసేందుకు అభిమానులు ఎంతో ఆసక్తిగా ఉన్నారు. అయితే తాజాగా ఓ ఇంటర్వ్యూలో పాల్గొన్న షారుక్-విజయ్ తమ పాత్రల గురించి మాట్లాడారు. సినిమాలో తమ రోల్ ఎలా ఉండబోతుందో తెలిపారు.

'మీరు విలనా హీరోనా లేదా విలన్ హీరో' అని అడగగా.. ప్రతిఒక్కరి మంచి కోసం అసాధారణమైన పనులు చేయడమే తన పాత్ర అని తెలిపారు బాద్ షా. "ప్రతిఒక్కరి మంచి కోసం అసాధారణమైన పనులు చేయబోయే ఓ కామన్ మ్యాన్ పాత్ర" అని క్లారిటీ ఇచ్చారు షారుక్

'విలన్ పాత్ర కోసం ఎలా సన్నద్ధమవుతారు, ఎందుకు ఎంచుకున్నారు?' అని అడగగా.. "నాకు తెలిసినంత వరకు నేను మంచి కథలనే ఎంచుకుంటు ముందుకెళ్తున్నాను. అందులో ఉన్నది మంచి పాత్ర లేదా చెడ్డ పాత్ర లేదా ఇంకేమీ అన్నది నా మెడదలో ఆలోచించను. ఒకవేళ అలా చేస్తే అది నాలోని ఓ మంచి నటుడిని పాడు చేస్తుందని నా అభిప్రాయం" అని విజయ్ సేతుపతి పేర్కొన్నారు.

ఇకపోతే సినిమాలో కోలీవుడ్​ లేడీ సూపర్​స్టార్​ నయనతార, బాలీవుడ్‌ స్టార్స్​ దీపికా పదుకొణె, సంజయ్‌ దత్‌ గెస్ట్​ రోల్స్​లో కనిపించారు. ప్రియమణి, సాన్యా మల్హోత్రా, యోగిబాబు, సునీల్‌ గ్రోవర్‌ లాంటి స్టార్స్ ఇతర​ కీలక పాత్రలు పోషించారు. అనిరుధ్‌ సంగీతం అందించారు. అట్లీ దర్శకత్వం వహించారు. సినిమాలో మల్లయుద్ధం సన్నివేశాలు, ఊపిరి బిగపట్టించే కారు ఛేజ్‌లు, గగుర్పొడిచే బైక్‌ స్టంట్‌లు ఎక్కువగా ఉన్నాయని తెలిసింది. మొత్తంగా షారుక్ సినిమా కోసం ఇంతమంది దక్షిణాది స్టార్లు కలిసి పని చేయడం.. మూవీపై మరింత భారీ అంచనాలను పెంచింది.