వేర్ ఈజ్ శ్రీ లీల.. మరీ ఇంత అన్యాయమా..?

టాలీవుడ్ లో ప్రస్తుతం బిజీ హీరోయిన్ గా వరుస సినిమాలు చేస్తున్న శ్రీలీల అక్టోబర్ నుంచి జనవరి వరకు నెలకో సినిమా రిలీజ్ పెట్టుకుంది. అమ్మడికి టైం అలా కలిసి వచ్చేస్తుంది అనుకోవచ్చు. దసరాకి భగవంత్ కేసరి అని వచ్చి సూపర్ హిట్ అందుకున్న శ్రీ లీల ఈ మంత్ ఎండ్ అంటే నవంబర్ 24న ఆదికేశవ్ సినిమాతో వస్తుంది. మెగా మేనల్లుడు వైష్ణవ్ తేజ్ హీరోగా శ్రీకాంత్ ఎన్ రెడ్డి డైరెక్ట్ చేసిన ఈ సినిమా రిలీజ్ హంగామా మొదలైంది.

అయితే సినిమా ప్రమోషన్స్ కు హీరోయిన్ శ్రీ లీల దూరంగా ఉంటుంది. రీసెంట్ గా ఆదికేశవ్ ఇంటర్వ్యూ కోసం అంతా సెట్ చేయగా శ్రీ లీల మిస్ అయ్యిందని టాక్. ఓ పక్క బిజీ షెడ్యూల్ తో ఉండటం మరోపక్క సినిమా ప్రమోషన్స్ కమిట్ అవ్వడం వీటి మధ్య శ్రీ లీల టైమింగ్స్ సెట్ అవ్వట్లేదని తెలుస్తుంది. అయితే అక్టోబర్ లో రిలీజైన భగవంత్ కేసరి సినిమాకు మాత్రం ఏ చిన్న ఇంటర్వ్యూ మిస్ అవకుండా చేసింది శ్రీ లీల.

ఆదికేశవ్ టైం కి వచ్చే సరికి ఆమె ప్రమోషన్స్ లో పాల్గొనలేకపోతుంది. ఆదికేశవ్ ప్రమోషన్స్ చేయాలనే టైం లో మహేష్ గుంటూరు కారం షూటింగ్ కోసం డేట్స్ అడ్జెస్ట్ చేసినట్టు తెలుస్తుంది. ఆదికేశవ్ టీం కి శ్రీ లీల అన్యాయం చేస్తుందని కొందరు అంటున్నారు. అయితే అది శ్రీ లీల ఇంటెషనల్ గా చేస్తుంది కాదు షెడ్యూల్ టైం అడ్జెస్ట్ చేయలేకనే ఆమె ఆదికేశవ్ ప్రమోషన్స్ లో కనిపించట్లేదని అంటున్నారు.

మరి రిలీజ్ టైం దగ్గర పడుతున్న టైం లో శ్రీ లీల ఏదైనా టైం కేటాయిస్తుందేమో చూడాలి. సినిమాలో నటించిన నటీనటులు ఎంతమంది ఉన్నా హీరో హీరోయిన్ ప్రమోట్ చేస్తేనే అది ఆడియన్స్ కి రీచ్ అవుతుంది. ప్రస్తుతం సూపర్ ఫాం లో ఉన్న హీరోయిన్ శ్రీ లీల ప్రమోషన్స్ చేస్తే యూత్ ఆడియన్స్ లో మంచి బజ్ ఏర్పడే ఛాన్స్ ఉంటుంది. మరి రిలీజ్ కు ముందైనా శ్రీ లీల ఆదికేశవ్ కి సపోర్ట్ చేస్తుందా లేదా అన్నది చూడాలి. ఆదికేశవ్ తర్వాత సరిగ్గా 20 రోజుల్లోపే నితిన్ తో ఎక్స్ ట్రా ఆర్డినరీ మ్యాన్ అంటూ మరో సినిమాతో వస్తుంది శ్రీ లీల. ఇక సంక్రాంతికి గుంటూరు కారం తో అదరగొట్టేందుకు కూడా రెడీ అవుతుంది. ఏది ఏమైనా శ్రీ లీల ఫాం చూసి మిగతా హీరోయిన్స్ అంతా షాక్ అవుతున్నారనే చెప్పొచ్చు.