సూపర్‌ స్టార్ రికార్డ్‌ టార్గెట్‌ చేసిన స్త్రీ..!
ఏమాత్రం పాజిటివ్ టాక్ వచ్చినా కూడా కచ్చితంగా షారుఖ్ ఖాన్‌ చెన్నై ఎక్స్ప్రెస్ మూవీ రికార్డ్‌ ను బ్రేక్ చేసే అవకాశాలు ఉన్నాయనే అభిప్రాయం వ్యక్తం అవుతోంది.
గత నాలుగు సంవత్సరాలుగా బాలీవుడ్ గడ్డు పరిస్థితులను ఎదుర్కొంటున్న విషయం తెల్సిందే. కరోనా సమయంలో హిందీ సినిమాలను పట్టించుకోని ప్రేక్షకులు అదే దోరణితో ఇప్పటికి కూడా ఉన్నట్లు అనిపిస్తుందని సినీ విశ్లేషకులు అభిప్రాయం వ్యక్తం చేస్తున్నారు. ఏడాదికి ఒకటి రెండు సినిమాలు వందల కోట్ల వసూళ్లు నమోదు చేస్తున్నాయి. గత మూడు నాలుగు సంవత్సరాల్లో సక్సెస్ రేటు దారుణంగా పడిపోయింది. ఒక బాలీవుడ్ మీడియా సంస్థ కథనం అనుసారం బాలీవుడ్ సక్సెస్ రేటు 5 కంటే కిందకి పడి పోయిందట.
ఇలాంటి సమయంలో రాబోతున్న హిట్‌ మూవీ సీక్వెల్‌ 'స్త్రీ 2'. ఈ సినిమా ఆగస్టు 15న ప్రేక్షకుల ముందుకు రాబోతుంది. వరుస సెలవులతో పాటు, అనేక కారణాల వల్ల పాజిటివ్ బజ్ క్రియేట్ అయ్యింది. గత కొంత కాలంగా బాలీవుడ్ లో హర్రర్‌ కామెడీ సినిమాలకు పాజిటివ్ రెస్పాన్స్‌ దక్కుతున్న విషయం తెల్సిందే. అందుకే ఈ సినిమాకు కూడా మంచి వసూళ్లు నమోదు అయ్యయే అవకాశాలు ఉన్నాయి అంటూ బాక్సాఫీస్ వర్గాల వారితో పాటు ఇండస్ట్రీ వర్గాల వారు మరియు సినీ విశ్లేషకులు అభిప్రాయం వ్యక్తం చేస్తున్నారు.
స్త్రీ 2 సినిమాకు సంబంధించిన ప్రమోషన్‌ కార్యక్రమాలు జోరుగా సాగుతున్నాయి. ఇప్పటికే విడుదల అయిన టీజర్ మరియు ట్రైలర్‌ లతో సినిమా పై ఆసక్తి మరియు అంచనాలు పెరిగాయి. అందుకే ఈ సినిమాకు భారీ ఎత్తున పెయిడ్‌ ప్రివ్యూ షో లను వేయాలి అనే నిర్ణయానికి మేకర్స్ మరియు బయ్యర్స్‌ వచ్చినట్లుగా తెలుస్తోంది. బాలీవుడ్ లో గతంలోనూ పెయిడ్‌ ప్రివ్యూ షో లు వేయడం జరిగింది. అయితే 11 ఏళ్ల క్రితం వచ్చిన సూపర్‌ స్టార్ షారుఖ్ ఖాన్‌ చెన్నై ఎక్స్ప్రెస్ మూవీ పెయిడ్‌ ప్రివ్యూ షో ల ద్వారా దక్కించుకున్న 7 కోట్ల రూపాయల రికార్డ్‌ ను ఏ ఒక్క సినిమా కూడా క్రాస్ చేయలేక పోయింది.
అయిదు సంవత్సరాల క్రితం వచ్చిన పద్మావత్‌ సినిమా రూ.4.5 కోట్లను పెయిడ్‌ ప్రివ్యూ షో ల ద్వారా దక్కించుకుంది. అంతకు మించి ఇప్పటి వరకు ఏ సినిమా కూడా రాబట్టలేకపోయింది. కానీ స్త్రీ 2 సినిమా పెయిడ్‌ ప్రివ్యూ షో లతో రూ.10 కోట్ల మేరకు దక్కించుకోవాలని భావిస్తున్నారు. సినిమాకు పాజిటివ్ టాక్ వస్తే అంతకు మించి అన్నట్లుగా కూడా మేకర్స్ నమ్మకం పెట్టుకున్నారు. అన్ని అనుకున్నట్లుగా జరిగితే, సినిమాకు ఏమాత్రం పాజిటివ్ టాక్ వచ్చినా కూడా కచ్చితంగా షారుఖ్ ఖాన్‌ చెన్నై ఎక్స్ప్రెస్ మూవీ రికార్డ్‌ ను బ్రేక్ చేసే అవకాశాలు ఉన్నాయనే అభిప్రాయం వ్యక్తం అవుతోంది.
రాజ్ కుమార్ రావు, శ్రద్ద కపూర్‌, పంకజ్‌ త్రిపాఠి, అభిషేక్ బెనర్జీ, తమన్నా ముఖ్య పాత్రల్లో కనిపించబోతున్న స్త్రీ 2 సినిమాను అమర్ కౌశిక్‌ దర్శకత్వంలో దినేష్ విజయన్‌ భారీ బడ్జెట్‌ తో నిర్మించడం జరిగింది. ఈ సినిమా కి సచిన్‌ - జిగర్ సంగీతాన్ని అందించడం జరిగింది. బాలీవుడ్ నుంచి ఈ మధ్య కాలంలో ఇంతటి పాజిటివ్ బజ్ తో సినిమా రావడం ఇదే అన్నట్లుగా సినీ విశ్లేషకులు అభిప్రాయం వ్యక్తం చేస్తున్నారు. సోషల్‌ మీడియాలో కూడా ఈ సినిమాకు మంచి బజ్ క్రియేట్ అయ్యింది. కనుక సూపర్‌ స్టార్ రికార్డ్‌ ని టార్గెట్‌ చేసిందనే టాక్ వినిపిస్తుంది. మరి స్త్రీ ఆ 11 ఏళ్ల రికార్డ్‌ ని బ్రేక్ చేసేనా చూడాలి.