నిజం తెలియకుండా హీరోపై నిందలు

గదర్ 2 సినిమాతో ఈ ఏడాది బాక్స్ ఆఫీస్ వద్ద మంచి సక్సెస్ అందుకున్నాడు సీనియర్ హీరో సన్నీ డియోల్. అసలు కెరీర్ మొత్తం కూడా క్లోజ్ అయిపోయింది అనుకున్న సమయంలో ఆ సినిమా అతనికి ఇచ్చిన బూస్ట్ ఇచ్చిన విధానం అంతా ఇంతా కాదు. బాక్సాఫీస్ వద్ద ఏకంగా 600 కోట్లకు పైగా కలెక్షన్స్ అందుకుంది. అయితే ఇప్పుడు మళ్లీ చాలాకాలం తర్వాత సన్నీ డియోల్ కు భారీ స్థాయిలో ఆఫర్లు వస్తున్నాయి.

నిర్మాతలు ఊహించని స్థాయిలో పారితోషకాలు కూడా ఆఫర్ చేస్తున్నారు ఇక కెరీర్ అంతా కూడా సెట్ అయింది మంచి ట్రాక్ లో ఉన్నాడు అనుకుంటున్న సమయంలో అతనికి సంబంధించిన ఒక వీడియో కొంత నెగిటివ్ కామెంట్స్ ను అందించింది. ఒక రోడ్డుపై సన్నీడియోల్ తాగేసి కనిపించాడు అని గత రాత్రి నుంచి కొన్ని వీడియోలు సోషల్ మీడియాలో చక్కర్లు కొట్టాయి.

ఇక అందులో ఎంతవరకు నిజం అనేది ఆలోచించకుండా కొంతమంది కావాలని నెగిటివ్ కామెంట్స్ కూడా చేశారు. ఇక ఫ్యాన్స్ మాత్రం ఈ విషయంలో వెంటనే క్లారిటీ ఇచ్చే ప్రయత్నం చేశారు. సన్నిహితుల సమాచారం ప్రకారం ఇది నిజం కాదని తేల్చేశారు. రోడ్డుపై సన్నీ అలా తూలుతూ ఆటోలో కూర్చున్నది అతనే కానీ నిజంగా అలా చేయలేదు అని ఒక సినిమా షూటింగ్లో భాగంగా అక్కడ ఒక సీన్ కోసం అలా చేయాల్సి వచ్చింది అని చెప్పేశారు.

అసలు సన్ని డియోల్ కు తాగుడు అలవాటే లేదు. ఈ విషయాన్ని కూడా అతని ఫ్యాన్స్ ముందు నుంచి చెబుతూనే ఉన్నారు. కానీ కొందరు కావాలని ఈ విషయాన్ని కాంట్రవర్సీ చేసే ప్రయత్నం చేశారు. ఇక మొత్తానికి నిజం తెలియడంతో విమర్శలు చేసిన వారు ఒక్కసారిగా సైలెంట్ అయిపోయారు.

ఏది ఏమైనాప్పటికీ కూడా ఈ వీడియో మాత్రం కొన్ని గంటల వరకు సన్నీ సన్నిహితులను కూడా కంగారు పట్టేసింది. అలాగే సినిమా ప్రమోషన్స్ కు కూడా అది బాగా హెల్ప్ అవుతుందని కామెంట్స్ వస్తున్నాయు. ఇక సన్నీ డియోల్ అయితే ప్రస్తుతం బాలీవుడ్ లో మూడు సినిమాలకు చేయడానికి గ్రీన్ సిగ్నల్ ఇచ్చాడు. ఇక అందులో త్వరలోనే బాప్ అనే సినిమా ప్రేక్షకులు ముందుకు రాబోతోంది.