ఆ స్టార్ హీరో పోస్ట‌ర్ పై ఆదిలోనే హంస‌పాదు!

వెంక‌ట్ ప్ర‌భు ద‌ర్శ‌క‌త్వంలో విజ‌య్ 68వ చిత్రం ప్ర‌క‌ట‌న‌తో అంచ‌నాలు ఏ రేంజ్ కి వెళ్లాయో తెలిసిందే. అప్ప‌టికే టాలీవుడ్ లో `క‌స్ట‌డీ`తో నాగ‌చైత‌న్య‌కి వెంక‌ట్ ప్రభు ప్లాప్ ఇచ్చినా..ఆయ‌న గ‌త విజయాలు.. విజ‌య్ ఇమేజ్ తో 68వ చిత్రంపై అంభిమానుల్లో అంచ‌నాలు అమాంతం పెంచేసాయి. క‌స్ట‌డీ ఇంప్టాక్ట్ విజ‌య్ పై ఏమాత్రం ప‌డ‌లేదు. అటుపై ఇద్ద‌రు కాంబినేష‌న్ లో భారీ ప్ర‌యోగ‌మే జ‌రుగుతుంద‌ని ఆన్స్ సెట్స్ నుంచి లీకైంది.

ఆపై `ది గ్రేటెస్ట్ ఆఫ్ ఆల్ టైమ్` టైటిల్ తో అంచ‌నాలు ప‌తాక స్థాయికి చేరాయి. ఇది భారీ ప్ర‌యోగాత్మ‌క చిత్ర‌మ‌ని మ‌రోసారి నెట్టింట గ‌ట్టిగానే ప్ర‌చారం సాగింది. అంచ‌నాలు రెట్టింపు అయ్యాయి. కానీ ఇవ‌న్నీ పోస్ట‌ర్ చిత్రాలు చూస్తుంటే అంచ‌నాల‌న్ని ఆవిర‌వుతున్న‌ట్లే క‌నిపిస్తుంది. తాజాగా ఈ చిత్రం నుంచి మేకర్స్ న్యూ ఇయర్ సందర్భంగా నిన్న ఫస్ట్ లుక్ పోస్టర్‌ను రిలీజ్ చేసిన సంగ‌తి తెలిసిందే.

ఈ పోస్ట‌ర్ చూసి అభిమానులు స‌హా అంతా షాక్ అయ్యారు. ఈ పోస్ట‌ర్ ఏంటి? ఇలా ఉంది? అనే చ‌ర్చ‌కు తెర తీసింది. డిజైన్ చేసిన పోస్ట‌రా? లేక ఏఐ టెక్నాల‌జీతో రూపొందించిందా? అన్న సందేహం మొద‌లైంది. విజ‌య్ డ్యూయ‌ల్ పోషిస్తున్నారు అన్న‌ది ముందే తెలిసిన అంశం. కానీ ఈపోస్ట‌ర్ చూసిన త‌ర్వాత ర‌క‌ర‌కాల సందేహాలు మొద‌ల‌య్యాయి. పోస్ట‌ర్ పై పెద్ద ఎత్తున ట్రోలింగ్ జ‌రుగుతోంది.

విజ‌య్ అభిమానుల్ని సైతం ఈ పోస్ట‌ర్ తీవ్ర నిరాశ ప‌రిచింది. మాస్ హీరో నుంచి ఇలాంటి పోస్ట‌ర్ ఏమాత్రం ఊహించ‌న‌దిగా భావిస్తున్నారు. ఒక రోల్ పై ప్ర‌త్యేకంగా ప‌నిగ‌ట్టుకుని మ‌రీ ట్రోలింగ్ జ‌రుగుతోంది. అందులో ఓ పాత్ర‌ని ఏదో కామిక్ గా చూపించిన‌ట్లు ఉంద‌ని అంటున్నారు. టైటిల్ కి ....పోస్ట‌ర్ కి ఏమాత్రం సంబంధం లేన‌ట్లుగా ఉందంటున్నారు. ఇలా ఆదిలోనే విజ‌య్ 68పై విమ‌ర్శ‌ల ప‌ర్వం మొద‌లైంది. మ‌రి వీటికి ఈ ద్వ‌యం ఎలాంటి ముగింపు ప‌లుకుతుంది? అన్న‌ది చూడాలి. మ‌రి కోలీవుడ్ క‌మర్శియ‌ల్ స్టార్ తో ఎలాంటి ప్ర‌యోగం చేయిస్తున్నాడో చూడాలి.