హీరోలంద‌రి త‌రుపునా మెగా వార‌సుడు ఏమ‌న్నాడంటే?

మెగాప్రిన్స్ వ‌రుణ్ తేజ్ త్వ‌ర‌లో `మ‌ట్కా` సినిమాతో ప్రేక్ష‌కుల ముందుకు రావ‌డానికి రెడీ అవుతున్నాడు. వ‌రుణ్ కి స‌రైన స‌క్సెస్ ప‌డి చాలా కాల‌మ‌వుతోంది. `మ‌ట్కా`తో ఎలాగైనా విజ‌యం అందుకోవాల‌ని గ‌ట్టిగానే బ‌రిలోకి దిగు తున్నాడు. వ‌రుణ్ కెరీర్ లోనే తొలి భారీ బ‌డ్జెట్ చిత్ర‌మిది. ఈ సినిమా కోసం వ‌రుణ్ అండ్ కో చాలా కాలంగా ప‌నిచేసింది. చివ‌రిగా అన్ని ప‌నులు పూర్తి చేసి రిలీజ్ వ‌స్తున్నారు. ఈ సంద‌ర్భంగా ఓ ఇంట‌ర్వ్యూలో వ‌రుణ్ ప్రేక్ష‌కుల్ని ఇలా ఎనాల‌సిస్ చేసాడు.

`న‌టుల‌కు అన్నింటికంటే క‌థ‌ల ఎంపిక క‌ష్ట‌మైన ప‌ని. ప్రేక్ష‌కుల అభిరుచులు సీజ‌న్ లా మారిపోతుంటాయి. క‌థ బాగా న‌చ్చి, దానిపై ఏడాది పాటు ప‌నిచేసి, స‌రైన రిలీజ్ తేది చూసుకుని రిలీజ్ చేస్తాం. అందుకు ఏడాదిన్న‌ర స‌మ‌యం ప‌డుతుంది. ఆ రోజు నాకు న‌చ్చిన క‌థ రిలీజ్ అయిన త‌ర్వాత ప్రేక్ష‌కుల‌కు న‌చ్చుతుందో? లేదో తెలియ‌దు. సినిమా అంటే ఓ యాబైమంది కూర్చుని కోట్ల మంది ల‌క్ష్యంగా చేసుకుని సినిమా కోసం రంగంలోకి దిగుతాం.

ఓ కర‌కంగా చెప్పాలంటే ఇది కూడా `మ‌ట్కా` త‌ర‌హా జూద‌మే. అందుకే స‌క్సెస్ రేట్ కూడా త‌క్కువ‌గా ఉంటుంది. వేగంగా సినిమా చేయ‌డం అన్న‌ది స‌రైనా నిర్ణ‌య‌మా? లేక ఆచితూచి అడుగులు వేయ‌డం క‌రెక్ట్ నా? అంటే దానికి సమాధానం వెతుక్కునే ప‌నిలోనే మేమంతా ఉంటాం` అన్నాడు. మ‌రి వ‌రుణ్ చెప్పిన దాంట్లో వాస్త‌వం ఏంటో మిగ‌తా స్టార్ హీరోలంతా క‌న్ప‌మ్ చేయాల్సింది.

వ‌రుణ్ ఎనాల‌సిస్ ని ఎంత‌మంది ఏకీభ‌విస్తారో చూడాలి. ఓ క‌థ అనుకున్న త‌ర్వాత తాను..త‌న టీమ్ ఎంత‌లా ప‌ని చేస్తారు? అన్న‌ది త‌న మాట‌ల్లో చెప్పుకొచ్చాడు. ఈ నెల 14న చిత్రం ప్రేక్ష‌కుల ముందుకు రాబోతుంది. అదే రోజున కంగువ కూడా రిలీజ్ అవుతుంది. దీంతో ఈరెండు చిత్రాల మ‌ధ్య బాక్సాఫీస్ పోటీ త‌ప్ప‌దు.