తమన్నాతో పెళ్లి ప్లాన్.. విజయ్వర్మ ఏమన్నాడు?
గత కొంతకాలంగా బాలీవుడ్ నటుడు విజయ్ వర్మతో తమన్నా భాటియాతో డేటింగ్ హాట్ టాపిక్ గా మారుతోంది
గత కొంతకాలంగా బాలీవుడ్ నటుడు విజయ్ వర్మతో తమన్నా భాటియాతో డేటింగ్ హాట్ టాపిక్ గా మారుతోంది. ఈ జంట యూత్ కి ప్రధాన జంట లక్ష్యాలను నిర్దేశిస్తున్నారు. సోషల్ మీడియాల్లో, పబ్లిక్ వేదికలపైనా ఒకరిపై ఒకరు తమ ప్రేమను వ్యక్తం చేయడానికి వెనుకాడడం లేదు. త్వరలో తమన్నాను పెళ్లి చేసుకునే ఆలోచన ఉందా? అని విజయ్ ని ఇటీవల మీడియా ప్రతినిధి ఒకరు అడిగారు.
ఢిల్లీలో జరిగిన సాహితీ ఆజ్ తక్ కార్యక్రమంలో విజయ్ తన పెళ్లి విషయమై ఓపెనయ్యాడు. అంతేకాదు అతడు చేసిన ఒక వ్యాఖ్య దుమారంగా మారింది. తనను పెళ్లి చేసుకోవడం ఏ అమ్మాయికి ఇష్టం లేదని విజయ్ చమత్కరించాడు. ''కోయి లడ్కీ నహీ చాహ్తీ కి మై షాదీ కరూ, పెహ్లీ బాత్ తో! నా తో ఇస్కా జవాబ్ మై మాతాజీ కో దే పాట హున్ నా కిసీ ఔర్ కో (మొదట, ఏ అమ్మాయి నన్ను పెళ్లి చేసుకోవాలని కోరుకోదు. నేను ఈ ప్రశ్నకు సమాధానం నా తల్లికి లేదా మరెవరికీ ఇవ్వను)'' అని అన్నాడు.
ఇదిలా ఉంటే తమన్నా-విజయ్ వర్మ త్వరలో పెళ్లి పీటలు ఎక్కబోతున్నారని, తమ సంబంధాన్ని నెక్స్ట్ లెవెల్కి తీసుకెళ్లేందుకు సిద్ధమయ్యారని కొన్ని మీడియాలలో కథనాలొచ్చాయి. ఒక పోర్టల్లోని కథనం ప్రకారం.. తమన్నా -విజయ్ పెళ్లి చేసుకోవడాన్ని తీవ్రంగా పరిశీలిస్తున్నారు అని కూడా ప్రచారమైంది. తమన్నా పెళ్లి చేసుకోవాలని తల్లిదండ్రుల నుంచి ఒత్తిడికి లోనవుతున్నట్లు ఒక రిపోర్టు ఇటీవల పేర్కొంది. భోళా శంకర్లో చిరంజీవితో, రజనీకాంత్ జైలర్ లో కావలా పాటలో కనిపించిన తర్వాత తమన్నా ఏ కొత్త చిత్రానికి సంతకం చేయలేదని కూడా పేర్కొంది. అయితే తమన్నా - విజయ్ల వివాహ ప్రణాళికకు సంబంధించి ఇప్పటివరకు అధికారిక ధృవీకరణ లేదు.
అతడు ఇప్పట్లో పెళ్లి లేదని ధృవీకరిస్తూనే, లైఫ్ లో ఇప్పుడు తన ఉత్తమ సమయాన్ని గడుపుతున్నానని 'మాన్సూన్ షూట్అవుట్' (2013) థియేట్రికల్ విడుదల కోసం తాను వేచి చూస్తున్నానని తెలిపాడు. కేన్స్ ఫిల్మ్ ఫెస్టివల్లో ప్రశంసలు అందుకున్న తర్వాత, తన జీవితం ఒక్కసారిగా మారిపోతుందని అనుకున్నా కానీ అది జరగలేదని కూడా అన్నాడు.
విజయ్ మీర్జాపూర్లో తన నటన గురించి కూడా మాట్లాడాడు. తాను పంకజ్ త్రిపాఠిని కాపీ చేయడానికి ప్రయత్నించానని, టోన్ -యాసను సరిగ్గా పొందడానికి అతడి వీడియోలను చూశానని చెప్పాడు. విజయ్ చివరిసారిగా సుజోయ్ ఘోష్ తెరకెక్కించిన నెట్ఫ్లిక్స్ చిత్రం 'జానే జాన్'లో పోలీసు అధికారి పాత్రలో కనిపించాడు. ఇందులో జైదీప్ అహ్లావత్ , కరీనా కపూర్ కూడా నటించారు. తదుపరి సూర్య 43 లో కనిపించనున్నాడు. ఇందులో నజ్రియా -ఫహద్ -దుల్కర్ సల్మాన్లతో స్క్రీన్ ని షేర్ చేసుకుంటాడు.