ఈ లైలా వర్తబుల్ అనిపిస్తుందా..?

యువ హీరో మాస్ కా దాస్ విశ్వక్ సేన్ త్వరలో లైలా సినిమాతో రాబోతున్నాడు. ఈ సినిమాను షైన్ స్క్రీన్ బ్యానర్ లో సాహు గారపాటి నిర్మిస్తుండగా రాం నారాయణ డైరెక్ట్ చేశారు. ఆకాంక్ష శర్మ హీరోయిన్ గా నటించిన ఈ సినిమాలో విశ్వక్ సేన్ లేడీ గెటప్ ట్రై చేశాడు. అబ్బాయిలకు లైలా అమ్మాయిలకు సోను మోడల్ అంటూ సినిమా గురించి విశ్వక్ సేన్ బాగానే ప్రచారం చేస్తున్నాడు. ఐతే ఈ లైలా కోసం విశ్వక్ చూపించిన డెడికేషన్ అంతా ఇంతా కాదు.

ఇది తను ఒక ఛాలెంజింగ్ గా చేసుకుని చేసినట్టు ఉన్నాడు. ఐతే ఏదో లేడీ గెటప్ అంటే సరదాగా వేశామన్నట్టు కాకుండా సినిమాలో ఆ పాత్రకు డెప్త్ ఉంటుందని తెలుస్తుంది. లేడీ గెటప్ లో ఇప్పటికే చాలా మంది స్టార్స్ వేయగా వారి దారిలోనే విశ్వక్ సేన్ కూడా లేడీ గెటప్ లో ప్రేక్షకులను అలరించాలని ఫిక్స్ అయ్యాడు. సరదాగా లేడీ గెటప్ వేయడం కాదు సినిమాలో లైలాని చూసి వర్తబుల్ అనిపించేలా విశ్వక్ యాక్టింగ్ ఉంటుందని తెలుస్తుంది.

యంగ్ హీరోల్లో తన మాస్ యాటిట్యూడ్ తో యూత్ ఆడియన్స్ కు దగ్గరైన విశ్వక్ సేన్ తన ప్రతి సినిమాను చాలా సిన్సియర్ గా చేస్తూ వస్తున్నాడు. ముఖ్యంగా ఆడియన్స్ అంతా కూడా తన నుంచి ఆశిస్తున్న అన్ని అంశాలు ఉండేలా చూస్తున్నారు. తన ప్రతి అటెంప్ట్ తో ఆడియన్స్ అటెన్షన్ ని పొందుతున్నాడు. ఐతే లైలా మాత్రం సంథింగ్ స్పెషల్ అనిపిస్తుంది. ఈ సినిమా ప్రమోషనల్ కంటెంట్ కూడా ఆడియన్స్ ని ఎట్రాక్ట్ చేస్తుంది.

కథల విషయంలో మూస పద్ధతిలో పోకుండా డిఫరెంట్ సినిమాలను చేస్తూ తన సత్తా చాటుతున్నాడు విశ్వక్ సేన్. ఐతే సినిమా ఫలితాలతో సంబంధం లేకుండా అతను చేస్తున్న ప్రయత్నాలు ప్రేక్షకులను ఇంప్రెస్ చేస్తున్నాయి. లైలాతో కొత్తగా ట్రై చేస్తున్న విశ్వక్ సేన్ ఈ సినిమాతో ఎలాంటి ఫలితాన్ని అందుకుంటాడన్నది చూడాలి. విశ్వక్ అండ్ టీం మాత్రం ఈ సినిమాపై చాలా కాన్ఫిడెంట్ గా ఉన్నారు. మరి సినిమా ఎలాంటి రిజల్ట్ అందుకుంటుందో చూడాలి. విశ్వక్ సేన్ లైలా ప్రేమికుల రోజు ప్రేక్షకుల ముందుకు వస్తుంది.