లావ‌ణ్య త్రిపాఠి ని ఆ ప్రాజెక్ట్ నుంచి రిమూవ్ చేస్తున్నారా?

లావ‌ణ్య త్రిపాఠి అవ‌కాశాలు లేక ఖాళీగా ఉంటుందా? లేక వ‌చ్చిన అవ‌కాశాల్ని వ‌ద్దనుకుని ఖాళీగా ఉంటుందా? అన్న‌ది క్లారిటీ లేదు. ప్ర‌స్తుతం త‌మిళ్ లో ఓ సినిమా మిన‌హా ఎలాంటి సినిమాలు చేయ‌లేదు. ఇటీవ‌లే మెగా ప్రిన్స్ వ‌రుణ్ తేజ్ నిశ్చితార్దం కూడా జ‌రిగింది. దీంతో సినిమాల విష‌యంలో ఇక‌పై మ‌రింత జాగ్ర‌త్త‌గా ఉంటుంద‌ని తెలుస్తోంది. సాధార‌ణంగా లావ‌ణ్య గ్లామ‌ర్ పాత్ర‌ల‌కు...ఎక్స్ పోజింగ్ ల‌కు దూరంగా ఉంటుంది.

ఇక వ‌రుణ్ తో పెళ్లి నేప‌థ్యంలో ఆమె ఇంకెంత కేరింగ్ గా ఉంటుందో చెప్పాల్సిన ప‌నిలేదు. ఇప్పుడు ఈ ర‌క‌మైన నిర్ణ‌యాలే తాజాగా ఆమె ఓ ప్రాజెక్ట్ నుంచి తప్పిస్తున్న‌ట్లు ఓవార్త వైర‌ల్ అవుతుంది. అభిజిత్ హీరోగా...లావ‌ణ్య హీరోయిన్ గా `స్కైలాబ్` ద‌ర్శ‌కుడు విశ్వ‌క్ ఖండేరావు ఓ వెబ్ సిరీస్ ప్లాన్ చేసారు. అతి త్వ‌ర‌లోనే ఇది ప్రారంభం కాబోతుంద‌ని తెలుస్తోంది. అయితే ఈ ప్రాజెక్ట్ లాక్ అయిన‌ట్లు ఇంకా అధికారికంగా వెల్ల‌డించ‌లేదు.

లాంచింగ్ త‌ర్వాత రివీల్ చేసే ఉద్దేశంలో భాగంగా ప్ర‌క‌ట‌న ఇవ్వ‌లేదు. అయితే ఇప్పుడీ వెబ్ సిరీస్ నుంచి లావ‌ణ్య త్రిపాఠిని త‌ప్పిస్తున్న‌ట్లు ప్ర‌చారం సాగుతోంది. ఇదొక రొమాంటిక్ వెబ్ సిరీస్ అట‌. హీరోతో కొన్ని ఇంటిమేట్ స‌న్నివేశాల్లోనూ న‌టించాల్సి ఉంటుందిట‌. పాత్ర ప‌రంగా హాట్ గానూ క‌నిపించాల్సి ఉంటుంది ట‌. దీంతో ఈ పాత్ర‌కి లావ‌ణ్య త‌గ్గ‌ది కాద‌ని భావించి ఆమెని త‌ప్పించి కొత్త భామ‌ని తీసుకోవాల‌ని మేకర్స్ ఆలోచన చేస్తున్నారుట‌.

మ‌రి ఈ విష‌యాలు లావ‌ణ్య తో ముందుగా డిస్క‌స్ చేయ‌లేదా? అంటే చేసారుట‌. కానీ రొమాంటిక్ స‌న్నివేశాల్లో డెప్త్ ని క్లారిటీగా వివరించ‌లేదుట‌. ద‌ర్శ‌కుడు అప్పుడు రాసుకున్న క‌థ వ‌ర‌కూ బ్యాలెన్స్ చేస్తుంద‌ని భావించారుట‌. ఈ నేప‌థ్యంలోనే లావ‌ణ్య‌ని సంప్ర‌దించారుట‌. కానీ ఇప్పుడు క‌థ‌లో కొన్ని ర‌కాల మార్పులు చేయ‌డంతో ఆ పాత్ర‌కి ఆమె అంగీక‌రించ‌ద‌ని భావిస్తున్న‌ట్లు తెలుస్తోంది. ఈ విష‌యం ఇప్ప‌టికే లావ‌ణ్య త్రిపాఠి దృష్టికి కూడా తీసుకెళ్లారుట‌. ఆమె కూడా మీరు చెప్పింది క‌రేక్టే అని భావించి మ‌రోక‌ర్ని తీసుకోమ‌ని అంగీక‌రించిన‌ట్లు ప్ర‌చారం సాగుతోంది.