గుస‌గుస‌.. షారూఖ్‌తో ఐకాన్ స్టార్ అల్లు అర్జున్?

ఐకాన్ స్టార్ అల్లు అర్జున్ - కింగ్ ఖాన్ షారూఖ్ క‌లిసి ఒక సినిమాలో న‌టిస్తే ఎలా ఉంటుంది? .. నిజానికి ఇలాంటి ఆలోచ‌న ఎవరైనా చేశారా? అంటే ఏమో.. తెలీదు కానీ అందుకు ద‌ర్శ‌కుడు అట్లీ తెర తీసినా ఆశ్చ‌ర్య‌పోన‌వ‌స‌రం లేద‌న్న చ‌ర్చ సాగుతోంది. షారూఖ్ క‌థానాయ‌కుడిగా అట్లీ తెర‌కెక్కించిన జ‌వాన్ కి పాజిటివ్ స‌మీక్ష‌లు పోటెత్త‌డంతో ఇప్పుడు ఇదే హుషారులో అత‌డు మ‌రోసారి కింగ్ ఖాన్ తో క‌లిసి ప‌ని చేసేందుకు ఆస్కారం ఉంద‌ని భావిస్తున్నారు.

ఒక‌వేళ అదే జ‌రిగితే సౌత్ లో ఒక పెద్ద హీరోతో షారూఖ్‌ని క‌లుపుతూ అట్లీ స్క్రిప్టును రూపొందిస్తాడ‌ని, ఈ సినిమాలో ఖాన్ తో పాటు న‌టించే ల‌క్కీ ఛాన్స్ ఎవ‌రికి ద‌క్కుతుందో చూడాల‌ని కూడా ఊహాగానాలు సాగుతున్నాయి. నిజానికి జవాన్ చిత్రంలో ద‌ళ‌ప‌తి విజ‌య్ మెరుపు లాంటి అతిథి పాత్ర‌లో న‌టించాడ‌ని గుసగుస‌లు వినిపించాయి. కానీ అత‌డు అలా క‌నిపించ‌లేదు. ఇక ఇదే పాత్ర కోసం ఐకాన్ స్టార్ అల్లు అర్జున్ ని కూడా అట్లీ సంప్ర‌దించాడ‌ని .. కానీ విజ‌య్ నిరాక‌రించిన‌ట్టే, బ‌న్ని కూడా కాద‌ని అన్నాడ‌ని గుస‌గుస‌లు వినిపిస్తున్నాయి.

అయితే ఆ ఇద్ద‌రూ కాదు అన‌డానికి కార‌ణం స‌హేతుకం. వీళ్లు నిరాక‌రించిన ఆ పాత్ర‌లో ఆ త‌ర్వాత‌ సంజ‌య్ ద‌త్ న‌టించాడు. చేత‌క్ స్కూట‌ర్ పై జైలుకు వెళ్లి షారూఖ్ ని ప‌ట్టుకునే త‌మిళ‌నాడు పోలీసాఫీస‌ర్ గా సంజూ బాబా న‌టించాడు. కానీ ఆ పాత్ర‌కు అంత ప్రాధాన్య‌త ఏదీ లేదు. అందుకే ఈ ఆఫ‌ర్ ను విజయ్ తిర‌స్క‌రించాడు. బ‌న్ని కూడా చేయ‌న‌ని అట్లీకి నిర్మొహ‌మాటంగా చెప్పేశాడు. ఈ స‌న్నివేశంలో పూర్తిగా షారూఖ్ అంద‌రినీ డామినేట్ చేసేయడంపైనా ఆస‌క్తిక‌ర చ‌ర్చ సాగుతోంది. జ‌వాన్ లో అతిథి పాత్ర‌లు చేయ‌క‌పోవ‌డం కూడా స‌రైన నిర్ణ‌య‌మేన‌ని బ‌న్ని.. విజ‌య్ ఫ్యాన్స్ ఇప్పుడు స‌మ‌ర్థిస్తున్నారు.

అయితే కింగ్ ఖాన్ షారూఖ్ తో విజ‌య్ లేదా అల్లు అర్జున్ ఏదైనా మ‌ల్టీస్టార‌ర్ లో న‌టిస్తే ఎలా ఉంటుంది? ఆ క్రేజ్ ఏ స్థాయికి చేరుకుంటుందో ఊహించ‌గ‌ల‌రా? అంటూ నెటిజ‌నుల్లో డిబేట్ సాగుతోంది. షారూఖ్ - విజ‌య్ సేతుప‌తి - న‌య‌న‌తార కాంబినేష‌న్ ని ఒక రేంజులో వ‌ర్క‌వుట్ చేసిన అట్లీ త‌దుప‌రి షారూఖ్ తోనే మ‌రో మ‌ల్టీస్టార‌ర్ ని ప్లాన్ చేస్తే క‌చ్ఛితంగా అది మ‌రో లెవ‌ల్లో ఉంటుంద‌ని కూడా ఊహిస్తున్నారు. షారూఖ్ - అల్లు అర్జున్ మ‌ల్టీస్టార్ తెర‌కెక్కితే అది పాన్ ఇండియా లెవ‌ల్లో ఏ రేంజులో ర‌చ్చ చేస్తుందో ఊహిస్తేనే ఎంతో క్యూరియ‌స్‌. మ‌రి ఈ ఫీట్ నిజమ‌యితేయ ఎంత బావుంటుంది. ప్ర‌స్తుతం పాన్ ఇండియా ట్రెండ్ లో అలా జ‌రిగినా ఆశ్చ‌ర్య‌పోన‌వ‌స‌రం లేదు. బాలీవుడ్ స్టార్ హీరోలు పూర్తిగా దిగి వ‌చ్చారు సౌత్ హీరోల‌తో స్నేహం చేస్తున్నారు.. కాబ‌ట్టి మునుముందు ఏం జ‌రిగేందుకైనా ఆస్కారం ఉందన‌డంలో సందేహం లేదు. హృతిక్ రోష‌న్ తో యంగ్ టైగ‌ర్ ఎన్టీఆర్ వార్ 2లో న‌టిస్తున్నప్పుడు, కింగ్ ఖాన్ తో బ‌న్ని సినిమా ఎందుకు సాధ్యం కాదు ? అని కూడా ఫ్యాన్స్ ఇంట్రెస్టింగ్ కాంబినేష‌న్ గురించి ఆలోచిస్తున్నారు.