తెలుగులో ఫస్ట్ ఆ హీరోతోనే అట్లీ

వరుసగా ఐదు బ్లాక్ బస్టర్ హిట్స్ తో శంకర్ శిష్యుడు అట్లీ మంచి జోరు మీద ఉన్నాడు. రాజారాణి మూవీతో దర్శకుడిగా కెరియర్ స్టార్ట్ చేసిన అట్లీ తెలుగు, తమిళ్ భాషలలో మంచి హిట్ ని ఖాతాలో వేసుకున్నాడు. తరువాత తెరి మెర్సల్, బిగిల్ సినిమాలని దళపతి విజయ్ తో చేసి కమర్షియల్ హిట్స్ కొట్టాడు. ఇప్పుడు జవాన్ మూవీతో బాలీవుడ్ దృష్టిని తన వైపుకి తిప్పుకున్నాడు. మూడు రోజుల్లోనే ఈ సినిమా ఏకంగా 374 కోట్లు కలెక్ట్ చేయడం విశేషం.

ఈ మూవీతో వెయ్యి కోట్ల కలెక్షన్స్ అందుకునే దర్శకుల జాబితాలో అట్లీ చేరిపోయే అవకాశం కనిపిస్తోంది. నెక్స్ట్ అట్లీ సినిమా ఏ హీరోతో ఉంటుందనే ప్రశ్న ఇప్పుడు సోషల్ మీడియాలో వినిపిస్తోంది. దానికి సమాధానం కూడా వైరల్ అవుతోంది. పుష్పతో పాన్ ఇండియా స్టార్ గా మారిన ఐకాన్ స్టార్ అల్లు అర్జున్ తో అట్లీ సినిమా ఉండే ఛాన్స్ ఉందని ఇండస్ట్రీ సర్కిల్ లో వినిపిస్తోంది.

ఐకాన్ స్టార్ అల్లు అర్జున్ తో అట్లీ నెక్స్ట్ మూవీ ఉండే అవకాశం ఉందంట. ఇప్పటికే అట్లీ చాలా కాలం నుంచి అల్లు అర్జున్ తో మూవీ చేయడం కోసం వెయిట్ చేస్తున్నాడు. అయితే వరుస కమిట్మెంట్ ల కారణంగా ప్రాజెక్ట్ పట్టాలు ఎక్కడం లేదు. ఇక జూనియర్ ఎన్టీఆర్ తో కూడా సినిమా చేయాలని అట్లీ గతంలోనే చెప్పారు. దీంతో కచ్చితంగా అట్లీ వీరిద్దరిలో ఒకరితో మూవీ చేయడంపై దృష్టి పెట్టనున్నాడు అనే టాక్ ఇప్పుడు వినిపిస్తోంది.

జవాన్ సూపర్ సక్సెస్ కావడంతో అల్లు అర్జున్ కూడా అట్లీపై పాజిటివ్ గానే ఉన్నారు. దీంతో కచ్చితంగా వీరిద్దరి కాంబినేషన్ లో నెక్స్ట్ మూవీ ఉండే అవకాశం ఉందనే టాక్ వినిపిస్తోంది. అయితే అల్లు అర్జున్ పుష్ప 2 కంప్లీట్ అయిన తర్వాత త్రివిక్రమ్ శ్రీనివాస్ దర్శకత్వంలో మూవీ చేయడానికి గ్రీన్ సిగ్నల్ ఇచ్చారు. నెక్స్ట్ సందీప్ రెడ్డి వంగా దర్శకత్వంలో సినిమా చేయనున్నాడు.

మరి వీటి కంటే ముందుగానే అట్లీతో అల్లు అర్జున్ సినిమా చేసే అవకాశం ఉందా లేదా అనేది చూడాలి. బన్నీ తర్వాత జూనియర్ ఎన్టీఆర్ తో ఒక ప్రాజెక్ట్ ని అట్లీ చేయనున్నాడంటూ టాలీవుడ్ సర్కిల్ లో ఇప్పుడు వినిపిస్తోంది.