భగవంత్ కేసరి ఆ సినిమాను దించేస్తున్నారా..?

నందమూరి బాలకృష్ణ లీడ్ రోల్ లో అనీల్ రావిపుడి డైరెక్షన్ లో వస్తున్న సినిమా భగవంత్ కేసరి. షైన్ స్క్రీన్స్ బ్యానర్ లో సాహు గారపాటి హరీష్ పెద్ది ఈ సినిమా నిర్మిస్తున్నారు. సినిమాలో కాజల్ అగర్వాల్, శ్రీ లీల నటిస్తున్నారు. రీసెంట్ గా వచ్చిన టీజర్ సినిమాపై అంచనాలు పెంచగా సినిమా నెక్స్ట్ లెవెల్ లో ఉండబోతుందని అర్ధమవుతుంది.

దసరా కానుకగా భగవంత్ కేసరి రిలీజ్ ఉంటుందని తెలుస్తుండగా ఈ సినిమా గురించి ఒక న్యూస్ వైరల్ గా మారింది. భగవంత్ కేసరి సినిమా ఒక బాలీవుడ్ సినిమా స్పూర్తిగా తీస్తున్నారన్న టాక్ తెర మీదకు వచ్చింది.

బాలీవుడ్ లో 1992 లో వచ్చిన ఖుదా గవా సినిమాకు భగవంత్ కేసరికి దగ్గర పోలికలు ఉన్నట్టుగా చెప్పుకుంటున్నారు. ప్రేయసికి ఇచ్చిన మాట కోసం శతృవుని చంపుతాడు హీరో అమితాబ్ బచ్చన్.

ఈ టైం లో స్నేహితుడి కోసం జైలుకి వెళ్లాల్సి వస్తుంది. మరోపక్క ఇతనెవరో తెలియకుండా మరో చోట కూతురు పెరిగి పెద్దది అవుతుంది. సో ఈ కథకు బాలకృష్ణ భగవంత్ కేసరికి చాలా దగ్గరగా ఉంటుందని తెలుస్తుంది.

ఖుదా గవా సినిమాలో నాగార్జున కూడా నటించారు. అందులో శ్రీదేవి ఫీమేల్ లీడ్ గా నటించింది. ఇక ఈ సినిమాలో కాజల్ హీరోయిన్ గా నటిస్తుండగా శ్రీ లీల బాలయ్య కూతురిగా నటిస్తుందని టాక్. మొత్తానికి బాలీవుడ్ సినిమాకు స్పూర్తిగా భగవంత్ కేసరి సినిమా వస్తుందని వస్తున్న ఈ వార్తలు నిజమా కాదా అన్నది సినిమా వస్తే తెలుస్తుంది.

అఖండ, వీర సింహా రెడ్డి సినిమాలతో బ్యాక్ టు బ్యాక్ హిట్లు అందుకున్న బాలయ్య బాబు భగవంత్ కేసరితో హ్యాట్రిక్ హిట్ కొట్టాలని చూస్తున్నాడు. సంక్రాంతికి వీర సింహంగా హిట్ కొట్టిన బాలకృష్ణ దసరాతో మరో బ్లాక్ బస్టర్ హిట్ అందుకోవాలని చూస్తున్నాడు. పటాస్ టు ఎఫ్3 వరుస సక్సెస్ లతో దూసుకెళ్తున్న డైరెక్టర్ అనీల్ రావిపుడి భగవంత్ కేసరితో మరో బ్లాక్ బస్టర్ టార్గెట్ పెట్టుకున్నాడు.