బాల‌య్య మెంట‌లెక్కించేలా ఉన్నాడే!

ప‌వ‌ర్ పుల్ పాత్ర‌ల్లో బాల‌య్య యాక్ష‌న్ ప్యాక్డ్ ఎంట‌ర్ టైన్ మెంట్ ఎలా ఉంటుందో? చెప్పాల్సిన ప‌నిలేదు. రాయ‌ల‌సీమ ఫ్యాక్ష‌న్ స్టోరీల నుంచి బోయ‌పాటి రాయ‌ల్టీ పాత్ర‌ల వ‌ర‌కూ బాల‌య్య యాక్ష‌న్ ఎప్పుడూ పీక్స్ లోనే ఉంటుంద‌ని ఎన్నో సినిమాలు నిరూపించాయి. క‌ద్ద‌రేసి క‌త్తి ప‌ట్టినా.. తుపాకీ ప‌ట్టినా అక్క‌డ విధ్వంస‌మే. వ‌న్ మ్యాన్ ఆర్మీలా బాల‌య్య శత్రువుల‌పై విరుచుకుప‌డే తీరు ప్యాన్స్ కి పూన‌కాలు తెప్పిస్తుంది. అయితే బాల‌య్య ఇంత‌వ‌ర‌కూ భారీ గ‌న్ లు చేత ప‌ట్టి ట‌పీ ట‌పీ మ‌ని కాల్చిన స‌న్నివేశాలు మాత్రం చాలా త‌క్కువ‌గానే ఉంటాయి.

ఆయ‌న హీరోయిజం అంతా ఫేస్ టూ పేస్..హ్యాండ్ టూ హ్యాండ్ ఉంటుంది. కానీ ఈసారి `భగ‌వంత్ కేస‌రి`లో బాల‌య్య‌ని కొత్త‌గా ఆవిష్క‌రించే బాధ్య‌త అనీల్ రావిపూడి తీసుకున్నాడు. ఈ నేప‌థ్యంలో న‌ట‌సింహాన్ని ఇంత‌వ‌ర‌కూ చూపించ‌ని కొత్త యాంగిల్ లో చూపిస్తున్న‌ట్లు తెలుస్తోంది. నిన్న రిలీజ్ అయిన బాల‌య్య పోస్ట‌ర్ చూస్తే సంగ‌తేంటి? అన్న‌ది అర్ద‌మ‌వుతుంది. సినిమాలో యాక్ష‌న్ ఏ రేంజ్ లో ప్లాన్ చేసాడో తెలుస్తోంది.

రెండు చేతుల్లో రెండు భారీ గ‌న్నులు ప‌ట్టుకుని శ‌త్రువుల‌పై విరుచుకుప‌డే విధానం ఆస‌క్తిక‌రం. ఈ స‌న్నివేశాలు థియేట‌ర్లో అభిమానుల్లో పూన‌కాలు తెప్పించ‌డం ఖాయ‌మే. మామూలుగానే బాల‌య్య అభిమానుల్ని ఆప‌డం అసాద్య‌మైన ప‌ని. అలాంటి అభిమానులు బాల‌య్య తుపాకీ గుళ్ల వ‌ర్షం కురిపిస్తే ఎలా ఉంటుందో? ఓ సారి ఊహించండి. బాల‌య్య‌కి ఇంత‌వ‌ర‌కూ ఏ డైరెక్ట‌ర్ కూడా ఇంత పెద్ద గ‌న్ లు చేతికి ఇవ్వ‌లేదు.

అనీల్ రావిపూడి ఆ పాయింట్ ని స‌రిగ్గా గ‌మ‌నించి బాల‌య్య మాస్ ఇమేజ్ ని ఎన్ క్యాష్ చేస్తున్నాడు. అనీల్ మార్క్ ఎంట‌ర్ టైనింగ్ లో క‌థ చెబుతూనే బాల‌య్య మార్క్ యాక్ష‌న్ ని సినిమాలో హైలైట్ చేస్తున్న‌ట్లు తెలుస్తోంది. ఇందులో బాల‌య్య‌కి జోడీగా కాజ‌ల్ అగ‌ర్వాల్ న‌టిస్తోంది. ఆమెతో కూడా అనీల్ గ‌న్ ప‌ట్టించాడో? లేక బాల‌య్య‌పై వ‌లపు బాణం వేసే బాద్య‌త‌లు అప్ప‌గించాడా? అన్న‌ది చూడాలి.