చంద్ర‌ముఖి-3 కూడా ఉందండోయ్!
`చంద్ర‌ముఖి` లో చంద్ర‌ముఖిని ఆవ‌హించిన పాత్ర‌లో మాత్ర‌మే జ్యోతిక‌ని చూపించారు.
`చంద్ర‌ముఖి` లో చంద్ర‌ముఖిని ఆవ‌హించిన పాత్ర‌లో మాత్ర‌మే జ్యోతిక‌ని చూపించారు. అస‌లు చంద్ర‌ముఖ ఎవ‌రు? ఆమె గ‌తం ఏంటి? ప‌గ..ప్ర‌తీ కారాల‌కు అస‌లు కార‌ణాలు ఏంటి? ఏంటి అన్న‌ది కొంత మేరే రివీల్ చేసారు. ఇక చంద్ర‌ముఖి పాత్ర‌కు సంబంధించి కేవ‌లం అంద‌మైన ఓ పెయింటింగ్ ని మాత్ర‌మే రివీల్ చేసారు. తాజాగా `చంద్ర‌ముఖి-2` తో ఆ పాత్రని రివీల్ చేసే స‌మ‌యం వ‌చ్చేసింది.
ఈ పాత్ర గురించి పూర్తిగా సీక్వెల్ లో రివీల్ చేయ‌బోతున్నారు. అస‌లు చంద్ర‌ముఖి ఎవ‌రు? ఆమె గ‌తం ఏంటి? ప్ర‌తీ కారానికి కార‌ణాలు ఏంటి? అన్న ఆధారంగా సీక్వెల్ క‌థ‌ని న‌డిపిస్తున్న‌ట్లు మేక‌ర్స్ తెలిపారు. ఆ పాత్ర‌లో బాలీవుడ్ న‌టి కంగ‌నా ర‌నౌత్ న‌టిస్తోంది. అయితే ఇప్పుడీ పాత్రని ఎంత ఆస‌క్తిక‌రంగా మ‌లుస్తారు? రివీల్ చేసిన త‌ర్వాత ఆ పాత్ర‌కి సంబంధించి గ‌తాన్ని ఎంత ఆస‌క్తిగా చూపిస్తారు? అన్న‌ది మ‌రో స‌స్పెన్స్.
ఎందుకంటే `చంద్ర‌ముఖి-3` కూడా ఉంద‌ని లారెన్స్ తాజాగా ప్ర‌క‌టించారు. క్లైమాక్స్ లో ఆ విష‌యంపై ఓ హింట్ కూడా వ‌దులుతున్న‌ట్లు తెలిపారు. దీంతో చంద్ర‌ముఖి పాత్రని సీక్వెల్ లో ఎంత‌వ‌ర‌కూ ప‌రిమితం చేస్తారు? అన్న‌ది చూడాలి. చంద్ర‌ముఖి బంగ్లాలోకి ప్ర‌వేశించిన త‌ర్వాత ఏం జ‌రిగింది? అన్న‌ది మెయిన్ ప్లాట్ గా తెలుస్తుంది. అలాగే చంద్ర‌ముఖి ప్రియుడి పాత్రని క‌థ‌లో కూలంకుశంగా చ‌ర్చించే అవకాశం ఉంద‌ని తెలుస్తోంది.
సినిమాలో ఈ పాత్ర కూడా ఎంతో కీల‌క‌మైన‌ది. అయితే ట్విస్ట్ ఏంటంటే? ఇప్ప‌టివ‌ర‌కూ ఈ సినిమా ప్ర‌చార చిత్రాలేవి సినిమాకి పెద్ద‌గా బ‌జ్ తీసుకురాలేదు. చంద్ర‌ముఖి సీక్వెల్ అనే మాట త‌ప్ప! ప్ర‌చార చిత్రాలన్నీ చ‌ప్ప‌గానే అనిపించాయి. పై పెచ్చు విమ‌ర్శ‌లు ఎదుర్కోవాల్సి వ‌చ్చింది. ట్రైలర్ పై సోష‌ల్ మీడియాలో విప‌రీత‌మైన ట్రోలింగ్ జ‌రిగింది. వీట‌న్నింటికీ సినిమా ఫ‌లిత‌మే స‌మాధానం చెప్పాల్సి ఉంది. తాజాగా మేక‌ర్స్ స్టోరీ ప్లాట్ రివీల్ చేయ‌డంతో ఇదేమైనా పాజిటివ్ గా ట‌ర్న్ తీసుకుంటుందా? అన్న‌ది చూడాలి.