బ్ర‌హ్మాస్త్ర-2 ఉంటుందా? ఉండ‌దా? ఇదే క్లారిటీ!
ర‌ణ‌బీర్ క‌పూర్ - అలియాభ‌ట్ జంట‌గా న‌టించిన `బ్ర‌హ్మ‌స్త్ర` మొద‌టి భాగం గ‌తేడాది రిలీజ్ అయి ఎలాంటి ఫ‌లితాలు సాధించిందో తెలిసిందే.
ర‌ణ‌బీర్ క‌పూర్ -అలియాభ‌ట్ జంట‌గా న‌టించిన `బ్ర‌హ్మ‌స్త్ర` మొద‌టి భాగం గ‌తేడాది రిలీజ్ అయి ఎలాంటి ఫ‌లితాలు సాధించిందో తెలిసిందే. భారీ బ‌డ్జెట్ తో నిర్మించి సినిమా కి భారీ ఓపెనింగ్స్ ద‌క్కన‌ప్ప‌టికీ లాంగ్ ర‌న్ లో నిల‌బ‌డ‌లేదు. దీంతో సినిమాకి భారీగా న‌ష్టాలు తప్ప‌లేదు. ఆయాన్ ముఖ‌ర్జీ తెర‌కెక్కించిన ఈ సినిమా ని స్టార్ స్టూడియోస్-ధ‌ర్మ ప్రొడక్షన్స్- స్టార్ లైట్ పిక్చర్స్ సంయుక్తంగా నిర్మించాయి.
1000 కోట్ల‌కు పైగా వ‌సూళ్లు సాధిస్తుంద‌ని నిర్మాత‌లు ఆశించారు. కానీ పెట్టుబ‌డి కూడా రాని ప‌రిస్థితి ఎదురైంది. దీంతో ఈ సినిమాకి రెండవ భాగం ఉంటుందా? ఉండ‌దా? అన్న సందేహం రెయిజ్ అయింది. వాస్త‌వానికి రెండు భాగాలుగా సినిమా చేస్తున్న‌ట్లు ప్రారంభం స‌మ‌యంలోనే రివీల్ చేసారు. కానీ న‌ష్టాల‌తో రెండవ భాగం నిలిచిపోయే అవ‌కాశం ఉంద‌ని గ‌ట్టిగా వినిపించింది. భారీ ఓపెనింగ్స్ రావ‌డంతో రెండవ భాగం ఉంటుంద‌ని రివీల్ చేసారు.
అయితే ఆ త‌ర్వాత సీన్ మార‌డంతో మ‌ళ్లీ బ్ర‌హ్మ‌స్త్ర-2 పై ఎలాంటి అప్ డేట్ రాలేదు. తాజాగా శ‌నివారంతో ఈ సినిమా రిలీజ్ అయి ఏడాది పూర్త‌యింది. ఈ సంద‌ర్భంగా రెండవ భాగంపై మేక‌ర్స్ ఇంట్రెస్టింగ్ అప్ డేట్ ఇచ్చారు. బ్ర‌హ్మ‌స్త్ర ప్ర‌యాణంలో త‌దుప‌రి ద‌శ నుంచి మ‌రో కొత్త ప్రారంభాన్ని మొద‌లు పెట్ట‌బోతున్నాం అని ప్ర‌క‌టించారు. దీంతో రెండవ భాగం అధికారికంగా వెల్ల‌డి అయింది.
ఈ ప్ర‌క‌ట‌న‌తో రెండవ భాగం ఉంటుందా? ఉండ‌దా? అన్న దానిపై పూర్తి క్లారిటీ వ‌చ్చేసిన‌ట్లే. మ‌రి షూటింగ్ ఎప్పుడు ప్రారంభిస్తారు? ఎప్పుడు రిలీజ్ చేస్తారు? అన్న‌ది త‌ర్వాత తెలుస్తోంది. అలాగే రెండవ భాగంలో కొత్త న‌టీన‌టులు ఎవ‌రు క‌లుస్తారు? అన్న‌ది ఆస‌క్తిక‌రం. మొద‌టి భాగంలో అమితాబ‌చ్చ‌న్.. షారుక్ ఖాన్..నాగార్జున లాంటి స్టార్లు యాడ్ అయ్యారు. ఈ నేప‌థ్యంలో రెండవ భాగం కోసం ఎంత మంది స్టార్ల‌ని రంగంలోకి దించుతారో చూడాలి.