ఈ ఇద్దరి ప్లేస్ లో ఆ ఇద్దరు.. డబుల్ కిక్ పక్కా..!

లైగర్ ఇచ్చిన షాక్ తో కొంత గ్యాప్ తీసుకున్న పూరి జగన్నాథ్ మళ్లీ రీసెంట్ గా తన సినిమా పూజా కార్యక్రమాలతో బయటకు వచ్చాడు. రామ్ హీరోగా ఇస్మార్ట్ శంకర్ సీక్వెల్ గా డబుల్ ఇస్మార్ట్ ని షురూ చేశారు పూరీ అండ్ టీం. తనని తాను ప్రూవ్ చేసుకోవడానికి పూరీ మరోసారి చేస్తున్న ఈ ప్రయత్నం ఎలా ఉండబోతుంది అన్నది చూడాలి. తనకు ఇస్మార్ట్ హిట్ ఇచ్చాడని పూరీ మీద ఎలాంటి డౌట్ లేకుండా డబుల్ ఇస్మార్ట్ కి ఓకే చెప్పాడు రామ్ .

త్వరలో సెట్స్ మీదకు వెళ్తున్న ఈ సినిమాలో హీరోయిన్స్ విషయంలో క్లారిటీ రావాల్సి ఉంది. ఇస్మార్ట్ శంకర్ సినిమాలో నిధి అగర్వాల్, నభా నటేష్ ల గ్లామర్ షో సినిమాకు ప్లస్ అయ్యింది. ఆ సినిమాలో వీళ్లిద్దరి అందాల ప్రదర్శన సినిమాను మరింత బూస్టింగ్ ఇచ్చింది.

డబుల్ ఇస్మార్ట్ లో కూడా నిధి అగర్వాల్, నభా నటేష్ లనే తీసుకోవాలని ఇస్మార్ట్ ఫ్యాన్స్ కోరుతున్నారు. ఇస్మార్ట్ శంకర్ తర్వాత నభాకి వరుస అవకాశాలు వచ్చాయి కానీ కెరీర్ ని స్ట్రాంగ్ చేసే హిట్ పడలేదు.

మరోపక్క నిధి అగర్వాల్ కూడా కెరీర్ మందకొడిగానే నడుస్తుంది. డబుల్ ఇస్మార్ట్ లో ఆ హీరోయిన్స్ నే రిపీట్ చేస్తే ఫ్యాన్స్ హ్యాపీ అంటున్నారు. కాకపోతే పూరి ప్లాన్ మాత్రం వేరేలా ఉంది. డబుల్ ఇస్మార్ట్ లో నిధి, నభాలకు బదులుగా బాలీవుడ్ హీరోయిన్స్ శ్రద్ధా కపూర్, సారా అలీ ఖాన్ లను దించాలని చూస్తున్నారట.

ఆ ఇద్దరు అయితే సినిమాకు పాన్ ఇండియా ఇంప్యాక్ట్ వస్తుంది. సో డబుల్ ఇస్మార్ట్ నేషనల్ లెవెల్ లో క్రేజ్ తెచ్చుకుంటుందని పూరి ప్లాన్. అయితే శ్రద్ధా కపూర్, సారా అలి ఖాన్ ఇద్దరు బాలీవుడ్ లో మంచి ఫాంలో ఉన్నారు. మరి వాళ్లని తెచ్చేంత బడ్జెట్ పెట్టే సాహసం పూరీ చేస్తాడా అన్నది తెలియాల్సి ఉంది.

లైగర్ ఫ్లాప్ తో డిస్ట్రిబ్యూషన్ గొడవలతో కొన్నాళ్లు వార్తల్లో ఉన్న పూరీ మళ్లీ డబుల్ ఇస్మార్ట్ తో సర్ ప్రైజ్ చేశారు. ఈ సినిమాను త్వర త్వరగా పూర్తి చేసి 2024 మార్చి ఫస్ట్ వీక్ రిలీజ్ చేయాలని కూడా ఫిక్స్ అయ్యారు. లైగర్ హిట్ అయితే పరిస్థితి ఎలా ఉండేదో కానీ ఆ సినిమా డిజాస్టర్ అవడం పూరీని ఇబ్బందుల్లో పడేసింది. అయితే డబుల్ ఇస్మార్ట్ తో పూరీ మళ్లీ హిట్ కొట్టి డబుల్ ఎనర్జీతో ఫాం లోకి వస్తాడని అంటున్నారు ఆయన ఫ్యాన్స్.