OG: పవన్ కళ్యాణ్ కనిపించేది ఎంతసేపంటే?

పవర్ స్టార్ పవన్ కళ్యాణ్ హీరోగా సుజిత్ దర్శకత్వంలో తెరకెక్కుతోన్న మూవీ OG. ఈ మూవీ షూటింగ్ ప్రస్తుతం శరవేగంగా సాగుతోంది. ఈ నెల ఆఖరు నుంచి బ్యాంకాక్ షెడ్యూల్ ఉంటుందని తెలుస్తోంది. పవర్ స్టార్ బర్త్ డే సందర్భంగా వచ్చిన ఈ మూవీ టీజర్ ప్రేక్షకులకి బాగా కనెక్ట్ అయ్యింది. పవన్ కళ్యాణ్ నుంచి ఫ్యాన్స్ కోరుకునే పెర్ఫెక్ట్ ఎలివేషన్స్ OG టీజర్ లో కనిపించాయి.

దీంతో కచ్చితంగా మూవీ హిట్ అవుతుందని అంచనా వేస్తున్నారు. సంక్రాంతికి ఈ మూవీ రిలీజ్ అయ్యే అవకాశం ఉందని భావిస్తున్నారు. సుజిత్ కూడా సినిమా షూటింగ్ వీలైనంత వేగంగా ఫినిష్ చేసే పనిలో ఉన్నారు. ఇమ్రాన్ హస్మి మూవీలో ప్రతినాయకుడిగా కనిపిస్తున్నారు. పాన్ ఇండియా లెవల్ లో తెరకెక్కుతోన్న ఈ సినిమాపై ఫ్యాన్స్ చాలా హోప్స్ పెట్టుకున్నారు.

OG మూవీ స్టోరీకి సంబంధించి ఇంటరెస్టింగ్ న్యూస్ సోషల్ మీడియాలో వైరల్ అవుతోంది. సినిమా 20 నిమిషాల ఎపిసోడ్ అయిన తర్వాత పవన్ కళ్యాణ్ ఎంట్రీ కథలో ఉంటుందంట. తరువాత గంట నిడివిలో అతని పాత్ర కొనసాగుతుందంట. పార్ట్ 1 ప్రీ క్లైమాక్స్ లో సీక్వెల్ కి అదిరిపోయే లీడ్ ఇవ్వబోతున్నాడంట. మూవీలో ఈ సీక్వెన్స్ చాలా హైలైట్ గా ఉంటుందంట.

దీనిని బట్టి OG రెండు భాగాలుగా చేసే ప్లాన్ లో సుజిత్ ఉన్నాడని తెలుస్తోంది. పార్ట్ 1 సూపర్ హిట్ అయితే వెంటనే వచ్చే ఏడాది ఎన్నికల తర్వాత పార్ట్ 2 కూడా మొదలుపెట్టేసే ఛాన్స్ ఉంది. ఇక పార్ట్ 2లో ఫ్లాష్ బ్యాక్ ఎపిసోడ్ ని పెర్ఫెక్ట్ గా డిజైన్ చేసుకుంటున్నట్లు టాక్ వినిపిస్తోంది. ఏది ఏమైనా పవర్ స్టార్ పవర్ స్ట్రోమ్ ని OG మూవీ ద్వారా సుజిత్ అంతే పవర్ ఫుల్ గా ఎలివేట్ చేయడానికి డిసైడ్ అయినట్లు తెలుస్తోంది.

మూవీలో మాఫియా లీడర్ గా పవన్ కళ్యాణ్ పాత్ర ఉండనుంది. భారీ అంచనాల మధ్య పవన్ కళ్యాణ్ కెరియర్ లో తెరకెక్కుతోన్న మూవీ OG అని చెప్పొచ్చు. సాహోతో పాన్ ఇండియా లెవల్ మేకింగ్ పరంగా తన సత్తా ఏంటో ఇప్పటికే సుజిత్ చూపించారు. మరి OG తో కథతో కూడా మెప్పించి పాన్ ఇండియా దర్శకుడు అనిపించుకుంటాడేమో చూడాలి.