మాస్ రాజాకి జోడీగా బుట్ట‌బొమ్మ‌ని సెట్ చేస్తున్నారా?

మాస్ మ‌హారాజా ర‌వితేజ సినిమాల్లో హీరోయిన్లు మాత్రం అత‌ని ఇమేజ్కి ఏమాత్రం త‌గ్గ‌కుండా ఉంటారు. ఆయ‌న ఏ సినిమా చేసినా ట్రెండింగ్ లో ఉన్న భామ‌లు త‌ప్ప‌న‌స‌రిగా ఉండాలి. కొత్త వాళ్ల‌తో రిస్క్ తీసుకోవ‌డం క‌న్నా..స‌క్సెస్ అయిన బ్యూటీలైతే మార్కెట్ ప‌రంగానూ ప‌నికొస్తార‌న్న‌ది ఓ ప్లాన్. అందుకే ర‌వితేజ సినిమాల్లో వీలైనంత వ‌ర‌కూ ఫేమ‌స్ అయిన బ్యూటీలే ఉంటారు. తాజాగా ఇటీవ‌లే గోపీచంద్ మ‌లినేని ద‌ర్శ‌క‌త్వంలో రాజా మ‌రో సినిమాకి క‌మిట్ అయి సంగ‌తి తెలిసిందే.

వ‌రుస‌గా షూటింగ్ ల‌తో బిజీగా ఉన్న కొత్త ప్రాజెక్ట్ ల విష‌యంలోనూ రాజా ఏమాత్రం త‌గ్గ‌లేదు. ఓ సినిమా సెట్ లో ఉండ‌గా మ‌రో ప్రాజెక్ట్ ని ప‌ట్టాలెక్కిస్తున్నారు. ఈ నేప‌థ్యంలోనే గోపీచంద్ మ‌లినేని తో ప్రాజెక్ట్ ప్ర‌క‌టించి స‌ర్ ప్రైజ్ చేసారు. తాజాగా ఈప్రాజెక్ట్ ప్రీ ప్రొడ‌క్ష‌న్ ప‌నులు వేగంగా జ‌రుగుతున్న‌ట్లు తెలుస్తోంది. దీనిలో భాగంగా అప్పుడే హీరోయిన్ ఎంపిక‌పై క‌స‌ర‌త్తులు మొద‌లు పెట్టారు.

రాజా స‌ర‌స‌న బుట్ట‌బొమ్మ పూజాహెగ్డేని సెట్ చేసే దిశ‌గా చ‌ర్చ‌లు జ‌రుగుతున్న‌ట్లు స‌మాచారం. ఈ ప‌క్కా మాస్ క‌థ‌లో పూజా అయితే ప‌ర్పెక్ట్ గా సెట్ అవుతుంద‌ని టీమ్ భావిస్తుందిట‌. దీనిలో భాగంగా ఇటీవ‌లే ముంబైలో పూజ‌ని సంప్ర‌దించిన‌ట్లు తెలిసింది. అన్ని కుదిరితే గ‌నుక మాస్ రాజాతో బుట్ట‌బొమ్మ రొమాన్స్ ఆస్వాదించొచ్చు. అయితే పూజాహెగ్డేని లాక్ చేయ‌డం అన్న‌ది అంత ఈజీ కాదు.

డేట్లు స‌ర్దుబాటు చేయ‌లేని కార‌ణంగా మ‌హేష్ సినిమా 'గుంటూరు కారం'లాంటి సినిమానే వ‌దులుకుంది. అలాగే సినిమాలో ఆమె పాత్ర కూడా న‌చ్చాలి. పాట‌లు..రొమాన్స్ అంటే ఆమెతో కుద‌ర‌దు. న‌ట‌న‌కు ఆస్కారం ఉండాలి. సాధార‌ణంగా ర‌వితేజ సినిమాల్లో హీరోయిన్ల‌కు అంత స్కోప్ ఉండ‌దు. అందులోనూ గోపీచంద్ లాంటి మేక‌ర్ హీరోయిన్ల పాత్ర‌ల్ని చాలా ప‌రిమితంగానే రాస్తారు.

అయితే తాజా ప్రాజెక్ట్ లో అలాంటి లోటు పాటుల‌ను స‌రిదిద్దుకుని పూజ‌ని మెప్పించ‌గ‌ల్గితే ఆమె లాక్ అయ్యే ఛాన్సెస్ ఉన్నాయి. అలాగే పూజాహెగ్డే కొన్ని నెల‌లుగా తెలుగు సినిమాల‌క‌న్నా హిందీ సినిమాల‌పై ఎక్కువ‌గా ఆస‌క్తి చూపిస్తోన్న సంగ‌తి తెలిసిందే.