ప్రస్తుతం ఏపీలో ఆ మహమ్మారి పాజిటివ్ కేసుల సంఖ్య రోజురోజుకి పెరిగిపోతున్నాయి. ఈ తరుణంలోనే విశాఖపట్నంలో గ్యాస్ లీకేజ్ ఘటన జరగడంతో స్థానిక ప్రజలలో అనేక అనుమానాలు మొదలైయ్యాయి. ఈ మహమ్మారి కి బ్యాక్టీరియా కూడా తోడైతే ఆ ఉత్పాతం మాటలకందనంత స్థాయిలో ఉండొచ్చు. వైరస్‌ కి మనుషుల కణాలే వాటికి ఆధారం. కానీ బ్యాక్టిరియాలు అలాకాదు, తమంతట తాముగా వృద్ధి చెందే ఆ సూక్ష్మక్రిములు ఇన్‌ ఫెక్షన్లను వేగంగా వ్యాపింపజేస్తాయి. ఆ గ్యాస్ లీక్ ఘటనతో ఆ కంపెనీ చుట్టుపక్కల ఉన్న ఐదు గ్రామాల ప్రజలు పూర్తిగా ఉర్లని ఖాళీ చేసి వెళ్లారు.
అక్కడి ఇళ్లన్నీ ప్రస్తుతం తాళాలు వేసున్నాయి. ఆయా గ్రామాల్లో.. రోడ్లపై - మురికికాలువల్లో - పంటపొలాల్లో.. ఇలా ఎక్కడపడితే అక్కడ జంతు కళేబరాలు లభిస్తున్నాయి. వాటిని ఎప్పటికప్పుడు తొలగిస్తున్నప్పటికీ.. ఇళ్ల లోపల చనిపోయిన జీవాల గురించే సర్వత్రా ఆందోళన నెలకొంది. స్టెరీన్ విషవాయువు ప్రభావానికి ఎల్జీ పాలిమర్స్ చుట్టుపక్కల గ్రామాల్లో మనుషులతోపాటు బర్రెలు - ఆవులు - కుక్కలు - పిల్లులు మృత్యువాత పడ్డాయి. గత నాలుగు రోజులుగా శుద్ధీకరణ పనులు చేస్తోన్న సిబ్బంది.. కంటికి కనిపించిన కళేబరాలను వేరే ప్రాంతాలకు తరలించి ఖననం చేస్తున్నారు.
అయితే ఇళ్ల లోపల కూడా జంతువులు చనిపోయి ఉండొచ్చని, ఆ కళేబరాల నుంచి బ్యాక్టీరియా ఉద్భవిస్తే పరిస్థితి ఇంకాస్త ఆందోళనకరంగా మారొచ్చని నిపుణులు హెచ్చరిస్తున్నారు. ఎల్జీ పాలిమర్స్ గ్యాస్ లీకేజీ ఘటనలో చనిపోయిన 12 మంది అతిదారుణమైన స్థితికి లోనయ్యారని పోస్ట్ మార్టం రిపోర్టుల్లో వెల్లడైంది.
అయితే, చనిపోయిన జంతువులపై స్టెరీన్ గ్యాస్ ఏ విధంగా ప్రభావం చూపి ఉంటుంది? వాటి అవయవాల్లో ఏ రకమైన మార్పులు వచ్చుండొచ్చు.. ఆ మార్పులు బ్యాక్టీరియాకు మరింత బలం చేకూర్చుతాయా.. అనే ప్రశ్నలకు త్వరలోనే సమాధానాలు రానున్నాయి.చనిపోయిన జంతువుల నమూనాలను చెన్నైకి పంపి - అక్కడి ‘ఫార్మకో విజిలెన్స్‌ ల్యాబ్ ఫర్‌ యానిమల్‌ ఫీడ్‌ ఫుడ్‌ సేఫ్టీ'లో పరీక్షలు నిర్వహిస్తున్నారు. సమగ్ర పరిశీలన అనంతరం పశువైద్య నిపుణులు చేసే సూచనల మేరకు.. బ్యాక్టీరియాలపై ఒక అవగాహన వచ్చే అవకాశముందని - రిపోర్టులను బట్టి ముందుకెళతామని అధికారులు తెలిపారు.
చెన్నై ల్యాబ్ నుంచి వచ్చే రిపోర్టుల ఆధారంగా ప్రభుత్వ సిబ్బందే ఇళ్లలోకి వెళ్లి కళేబరాలను తొలగించాలా - లేక గ్రామస్తులు తిరిగొచ్చిన తర్వాతే శుభ్రపర్చాలా అనేదానిపై నిర్ణయం తీసుకోనున్నారు. ప్రభుత్వ - ఎల్జీ సిబ్బంది కలిసి విషవాయువు ప్రభావాన్ని నిర్మూలించే పనులు ముమ్మరంగా చేస్తున్నారు. సోమవారం నాటికి ట్యాంకర్ ఉష్ణోగ్రత అదుపులోకి వచ్చిందని, దీంతో స్టెరీన్ లీకేజీ దాదాపు ఆగిపోయిందనే రిపోర్టులు వచ్చాయి. ఒకవేళ ప్రజలు క్యాంపుల నుంచి తిరిగి ఇళ్లకొస్తే ఏం తాగుతారనేది ప్రశ్నార్థకంగా మారింది. దీనితో ఏ మాత్రం అలసత్వం తీసుకోకుండా అన్ని క్లీన్ చేసిన తరువాతనే గ్రామస్థులను ఊర్లోకి అనుమతించాలని అధికారులు ఆలోచిస్తున్నారు.
అక్కడి ఇళ్లన్నీ ప్రస్తుతం తాళాలు వేసున్నాయి. ఆయా గ్రామాల్లో.. రోడ్లపై - మురికికాలువల్లో - పంటపొలాల్లో.. ఇలా ఎక్కడపడితే అక్కడ జంతు కళేబరాలు లభిస్తున్నాయి. వాటిని ఎప్పటికప్పుడు తొలగిస్తున్నప్పటికీ.. ఇళ్ల లోపల చనిపోయిన జీవాల గురించే సర్వత్రా ఆందోళన నెలకొంది. స్టెరీన్ విషవాయువు ప్రభావానికి ఎల్జీ పాలిమర్స్ చుట్టుపక్కల గ్రామాల్లో మనుషులతోపాటు బర్రెలు - ఆవులు - కుక్కలు - పిల్లులు మృత్యువాత పడ్డాయి. గత నాలుగు రోజులుగా శుద్ధీకరణ పనులు చేస్తోన్న సిబ్బంది.. కంటికి కనిపించిన కళేబరాలను వేరే ప్రాంతాలకు తరలించి ఖననం చేస్తున్నారు.
అయితే ఇళ్ల లోపల కూడా జంతువులు చనిపోయి ఉండొచ్చని, ఆ కళేబరాల నుంచి బ్యాక్టీరియా ఉద్భవిస్తే పరిస్థితి ఇంకాస్త ఆందోళనకరంగా మారొచ్చని నిపుణులు హెచ్చరిస్తున్నారు. ఎల్జీ పాలిమర్స్ గ్యాస్ లీకేజీ ఘటనలో చనిపోయిన 12 మంది అతిదారుణమైన స్థితికి లోనయ్యారని పోస్ట్ మార్టం రిపోర్టుల్లో వెల్లడైంది.
అయితే, చనిపోయిన జంతువులపై స్టెరీన్ గ్యాస్ ఏ విధంగా ప్రభావం చూపి ఉంటుంది? వాటి అవయవాల్లో ఏ రకమైన మార్పులు వచ్చుండొచ్చు.. ఆ మార్పులు బ్యాక్టీరియాకు మరింత బలం చేకూర్చుతాయా.. అనే ప్రశ్నలకు త్వరలోనే సమాధానాలు రానున్నాయి.చనిపోయిన జంతువుల నమూనాలను చెన్నైకి పంపి - అక్కడి ‘ఫార్మకో విజిలెన్స్‌ ల్యాబ్ ఫర్‌ యానిమల్‌ ఫీడ్‌ ఫుడ్‌ సేఫ్టీ'లో పరీక్షలు నిర్వహిస్తున్నారు. సమగ్ర పరిశీలన అనంతరం పశువైద్య నిపుణులు చేసే సూచనల మేరకు.. బ్యాక్టీరియాలపై ఒక అవగాహన వచ్చే అవకాశముందని - రిపోర్టులను బట్టి ముందుకెళతామని అధికారులు తెలిపారు.
చెన్నై ల్యాబ్ నుంచి వచ్చే రిపోర్టుల ఆధారంగా ప్రభుత్వ సిబ్బందే ఇళ్లలోకి వెళ్లి కళేబరాలను తొలగించాలా - లేక గ్రామస్తులు తిరిగొచ్చిన తర్వాతే శుభ్రపర్చాలా అనేదానిపై నిర్ణయం తీసుకోనున్నారు. ప్రభుత్వ - ఎల్జీ సిబ్బంది కలిసి విషవాయువు ప్రభావాన్ని నిర్మూలించే పనులు ముమ్మరంగా చేస్తున్నారు. సోమవారం నాటికి ట్యాంకర్ ఉష్ణోగ్రత అదుపులోకి వచ్చిందని, దీంతో స్టెరీన్ లీకేజీ దాదాపు ఆగిపోయిందనే రిపోర్టులు వచ్చాయి. ఒకవేళ ప్రజలు క్యాంపుల నుంచి తిరిగి ఇళ్లకొస్తే ఏం తాగుతారనేది ప్రశ్నార్థకంగా మారింది. దీనితో ఏ మాత్రం అలసత్వం తీసుకోకుండా అన్ని క్లీన్ చేసిన తరువాతనే గ్రామస్థులను ఊర్లోకి అనుమతించాలని అధికారులు ఆలోచిస్తున్నారు.