సీఎం భార్య‌తో స్పెష‌ల్ మీటింగ్ ఏంటి ర‌జనీ?

త‌మిళ సూప‌ర్‌ స్టార్ ర‌జ‌నీకాంత్ పొలిటిక‌ల్ ఎంట్రీ ఎపిసోడ్ వార్త‌కు ఇది భిన్నం. ఇన్నాళ్లు ఆయ‌న అడుగుల గురించి చ‌ర్చ‌లు జ‌ర‌గ‌గా..తాజా ఆయ‌న‌తో స‌మావేశ‌మైన వీఐపీ గురించి ఆస‌క్తి నెల‌కొంది. ఆమె ఎవ‌రో కాదు ముఖ్యమంత్రి దేవేంద్ర ఫడ్నవీస్ స‌తీమ‌ణి అమృత‌. తాజాగా  ర‌జినీకాంత్ తో అమృత క‌లిసి దిగిన ఫోటోలు షేర్ చేసిన వైర‌ల్ అయ్యాయి. ఇంత‌కీ ఈ ఫోటోలు ఎందుకు వైర‌ల్ అయ్యాయి అనేది ఆస‌క్తిక‌రం.

ఒకప్పుడు బ్యాంక్ ఉద్యోగిగా ఉన్న అమృత బీజేపీ నేత‌ అయిన ప్ర‌స్తుత మ‌హారాష్ట్ర సీఎం దేవేంద్ర ఫడ్నవీస్ ని వివాహం చేసుకున్నారు. ఇప్పటికి బ్యాంక్ ఉద్యోగం కంటిన్యూ చేస్తూనే అడపాదడపా మరాఠీ- బాలీవుడ్‌ సినిమాలకు పాటలు పాడుతూ ఉంటుంది. ఈ మధ్య ఫిర్ సే, జై గంగాజల్‌ అనే చిత్రాలలో పాటలు పాడింది అమృత. ఫిర్ సే అంటూ సాగే ఓ మ్యూజిక్ వీడియో కోసం అమృత బిగ్‌ బీతో కలిసి స్టెప్పులేసింది. ఈ నేప‌థ్యంలో అమృత సినిమాల‌లోకి ఎంట్రీ ఇస్తుందా అని వార్త‌లు అప్ప‌ట్లో షికారు చేశాయి. తాజాగా ర‌జనీకాంత్ తాజా చిత్రం కాలా సినిమాలో అమృత ఓ పాట పాడ‌నుందంటూ కొంద‌రు జోరుగా ప్ర‌చారం చేశారు.

ఈ రూమ‌ర్స్ అమృత చెవిన ప‌డ‌డంతో తాజాగా త‌న ట్విట్ట‌ర్ లో ర‌జినీకాంత్ తో క‌లిసి దిగిన ఫోటోలు షేర్ చేస్తూ పుకార్ల‌ని ఖండించింది. సూపర్ స్టార్ ర‌జ‌నీకాంత్ తో గొప్ప మీటింగ్ జ‌రిగింది. సామాజిక ఆందోళ‌న‌లు, వాటి ప‌రిష్కారాల గురించి చ‌ర్చించ‌డం జ‌రిగింద‌ని అమృత పేర్కొంది. దీంతో అమృత సినిమా ఎంట్రీపై వ‌స్తున్న‌ రూమ‌ర్స్ కి బ్రేక్ ప‌డ్డ‌ట్టు అయింది.

Like Us on Facebook : https://www.facebook.com/Tupakidotcom/