ఈ హడావిడి అంతా రెడ్ బస్ కోసమా..!

అల్లు అర్జున్ పాన్ ఇండియా ఇమేజ్ ని వాడుకుంటూ రెడ్ బస్ ఒక యాడ్ రిలీజ్ చేసింది. ఈ యాడ్ పూర్తిగా హిందీలో ఉండటం విశేషం. రెడ్ బస్ ని ప్రమోట్ చేస్తూ అల్లు అర్జున్ చేసిన ఈ యాడ్ లేటెస్ట్ గా రిలీజ్ చేశారు. రెడ్ బస్ రెండు రకాల యాడ్స్ లో అల్లు అర్జున్ కనిపించాడు. ఒకటి తన కంపెనీ ఎంప్లాయ్ కి ఏసీ బస్ లో టికెట్ తీస్తాడు. దానితో తన మేనేజర్ ఏసీ బస్సు ఎందుకని అడిగితే రెడ్ బస్ లో 250 రూపాయల ఆఫర్ అని చెబుతాడు. నాన్న చెప్పాడు కంపెనీ ఎంప్లాయిస్ ని సొంత మనుషుల్లా చూసుకోమని అని అంటాడు.

మరో యాడ్ లో కొందరు బస్ సీట్లలో వారి సామాన్లు పెట్టుకుంటారు. అయితే బస్సు ఎక్కేందుకు వచ్చిన ఓ వ్యక్తి సామాను తీయమని అడిగితే అది తీయాల్సిన అవసరం లేదు బస్సు సీట్లలో మీరే కాదు మీ వస్తువులు కూడా బుక్ చేసుకుని సేఫ్ గా తీసుకెళ్లొచ్చని చెబుతాడు. ఈ రెండు యాడ్స్ లో అల్లు అర్జున్ లుక్ అదిరిపోయింది. పుష్ప సినిమాతో బీ టౌన్ ఆడియన్స్ బాగా దగ్గరవగా యాడ్స్ తో మరింత క్రేజ్ తెచ్చుకోవాలని చూస్తున్నాడు.

క్రిష్ డైరెక్షన్ లో తెరకెక్కిన ఈ యాడ్ గురించి నిన్న సోషల్ మీడియాలో ప్రచారం మొదలైంది. క్రిష్ డైరెక్షన్ లో కభి అప్నే కభి సప్నే పోస్టర్ రిలీజ్ చేశారు. అయితే అల్లు అర్జున్ యాడ్ కోసమే ఇదంతా అని తెలిసి షాక్ అవుతున్నారు ఆడియన్స్. క్రిష్ డైరెక్షన్ లో వేదం సినిమాలో నటించాడు అల్లు అర్జున్. అప్పటి నుంచి వీరి మధ్య మంచి ర్యాపో ఉంది. క్రిష్ ప్రస్తుతం హరి హర వీరమల్లు సినిమా డైరెక్ట్ చేస్తున్నారు.

ఇక అల్లు అర్జున్ విషయానికి వస్తే పుష్ప 2 నెక్స్ట్ ఇయర్ సెకండ్ హాఫ్ లో రిలీజ్ ప్లాన్ చేశారు. అప్పటివరకు కొత్త ప్రాజెక్ట్ లు ఏవి సెట్స్ మీదకు వెళ్లే అవకాశం లేదు. అల్లు అర్జున్ చేస్తున్న సినిమాల గురించి తెలుగు ఆడియన్స్ మాత్రమే కాదు హిందీ ప్రేక్షకులు కూడా ఎగ్జైటింగ్ గా ఉన్నారు. పుష్ప 2 తర్వాత సందీప్ వంగ, త్రివిక్రమ్ డైరెక్షన్ లో అల్లు అర్జున్ సినిమాలు ఉన్నాయి.