ష‌ర్ట్ విప్పాడు.. ఛాలెంజింగ్ యాక్ష‌న్ హీరోనా?

విల‌న్ .. క్యారెక్ట‌ర్ ఆర్టిస్ట్.. హీరో .. పాత్ర ఏదైనా ప‌ర‌కాయ ప్ర‌వేశం చేసే అరుదైన ట్యాలెంట్ ఉన్న న‌టుడు అజ‌య్. విక్ర‌మార్కుడు.. ఆర్య 2.. ఇష్క్.. 24 .. భ‌లే భ‌లే మ‌గాడివోయ్.. ఇలా న‌టించిన‌ ప్ర‌తి సినిమాలో త‌న‌దైన ప్ర‌త్యేక‌త‌ను చాటుకున్నాడు అజ‌య్. పాత్ర ఇదీ అని చెబితే చాలు అందులో ది బెస్ట్ ఇవ్వ‌డం అత‌డికి మాత్ర‌మే చెల్లింది. అందుకే నిరంత‌రం ఆర్టిస్టుగా ఎంతో బిజీ బిజీ.

అజ‌య్ హీరోగానూ ప్ర‌య‌త్నించాడు. దిక్కులు చూడ‌కు రామ‌య్యా చిత్రంలో అజ‌య్ న‌ట‌న‌కు పేరొచ్చింది. ప్ర‌స్తుతం అత‌డు మ‌రోసారి హీరోగా ఎటెంప్ట్ చేస్తున్నాడు. ప్ర‌స్తుతం ప్రాజెక్ట్ చ‌ర్చ‌ల ద‌శ‌లో ఉంది. అధికారిక ప్ర‌క‌ట‌న రావాల్సి ఉందింకా. అయితే ఇప్ప‌టికే హీరోయిక్ లుక్ కోసం.. పాత్ర‌లోకి ప‌ర‌కాయం చేసేందుకు అవ‌స‌రం మేర రూపురేఖ‌ల్ని మార్చుకునేందుకు శ్ర‌మిస్తున్నాడు.

ఈ సినిమాలో 6 ప్యాక్ తో ట్రీటిచ్చేందుకు అజ‌య్ జిమ్ముల్లో హార్డ్ వ‌ర్క్ చేస్తున్నాడు. లేటెస్టుగా అత‌డు ష‌ర్ట్ విప్పి యాబ్స్ ని ప్ర‌ద‌ర్శిస్తున్న ఫోటో ఒక‌టి సామాజిక మాధ్య‌మాల్లో వైర‌ల్ అవుతోంది. హీరోగా రాణించాలంటే ఆమాత్రం హార్డ్ వ‌ర్క్ త‌ప్ప‌నిస‌రి. మొత్తానికి ఈసారి అత‌డు ఓ ఛాలెంజింగ్ యాక్ష‌న్ హీరోగా ల‌వ‌ర్ బోయ్ గా క‌నిపిస్తాడేమో చూడాలి.