మ‌హేష్ అటెళ్ల‌గానే బాల‌య్య‌ను లాక్ చేసిన‌ డైరెక్ట‌ర్

స్టార్ హీరోలు ఎప్పుడు ఏ ద‌ర్శ‌కుడికి చెక్ పెట్టి ఎవరికి చివ‌రి నిమిషంలో గ్రీన్ సిగ్న‌ల్ ఇచ్చేస్తారో ముందే చెప్ప‌లేం. అందుకే చ‌ర్చ‌ల ద‌శ‌లో ఏదీ ఖాయం చేయ‌కూడదు. కేవ‌లం గుస‌గుస‌లు మాత్ర‌మే అనుకోవాలి. ఒక‌రితో అనుకున్న‌ది అవ్వ‌క‌పోతే ఇంకొక‌రిని వెంట‌నే లాక్ చేసినా చేసేస్తారు. అందుకు ఇటీవ‌ల మ‌హేష్ ఎంపిక‌లే నిద‌ర్శ‌నం. ఆయ‌న పైడిప‌ల్లితో అనుకున్నా కుద‌ర‌లేదు. వెంట‌నే ప‌ర‌శురామ్ తో స‌ర్కార్ వారి పాట‌ ఓకే అయిపోయింది.

అలాగే అనీల్ రావిపూడి కూడా మ‌హేష్ క్యూలో ఉన్నా అత‌డికి వెంట‌నే ఛాన్స్ ద‌క్క‌లేదు. స‌డెన్ గా మ‌హేశ్ - త్రివిక్ర‌మ్ కాంబో రెడీ అవ్వ‌డంతో ఇదే సీక్వెన్స్ లో అనీల్ రావిపూడి స‌మీక‌ర‌ణం మారింది.

అనీల్ రావిపూడి - బాల‌కృష్ణ సినిమా అల్మోస్ట్ క‌న్ఫామ్ అయిన‌ట్లే. వాస్త‌వానికి మ‌హేశ్ తో ఎఫ్ 3 త‌రువాత సెట్స్ పైకి వెళతార‌ని ఆ మ‌ధ్య టాక్ వినిపించింది. మ‌రోవైపున బాల‌య్య‌తో కూడా సినిమా చేయాల‌ని ఎప్ప‌టినుంచో అనిల్ చెబుతున్నారు. ఈ నేప‌థ్యంలో బాల‌య్య వైపు నుంచి అనీల్ కి గ్రీన్ సిగ్నల్ రావ‌డం.. అటు మ‌హేశ్ కూడా త్రివిక్ర‌మ్ సినిమా ఓకే చేసేయ‌డంతో త్వ‌ర‌లోనే అనీల్ రావిపూడికి లైన్ క్లియ‌రైంది. ఇప్పుడు నంద‌మూరి అభిమానులు ఎన్బీకే-ప‌టాస్ డైరెక్ట‌ర్ సినిమా చూడ‌బోతున్నారనే చెప్పాలి.