అగ్ర హీరోల‌కు ఇవ్వ‌ని ముద్దులు నిర్మాత కొడుక్కి!

శాంపిల్ కి ట్రైల‌ర్ వ‌దిలితేనే ఘాటైన లిప్ లాక్ తో చెలరేగిపోయింది మల‌యాళీ క్యూటీ అనుప‌మ‌. కొత్త హీరో అని కూడా చూడ‌కుండా అత‌డికి టైట్ హ‌గ్గిచ్చి ఘాటుగా లిప్ లాక్ ల‌తో వేడెక్కించేసింది. ఇక పూర్తి సినిమా చూస్తే స‌న్నివేశ‌మేంటో.. కుర్ర‌కారు అది త‌ట్టుకోలేక ఇంకేం చేస్తారోనంటూ టెన్ష‌న్ ప‌ట్టుకుంది. థియేట‌ర్ల‌లో ఆవిరులు పుట్ట‌డం ఖాయం అంటూ అంచనాలు పీక్స్ కి చేరుకుంటున్నాయి.

ఇంత‌కీ ఇది ఏ సినిమా అంటే సంక్రాంతి బ‌రిలో ఉన్న రౌడీ బోయ్స్ గురించే. ఇందులో దిల్ రాజు సోద‌రుడు శిరీష్ కుమారుడు ఆశిష్ హీరోగా న‌టించాడు. అత‌డికి తొలి సినిమా కాగా అనుప‌మ లాంటి సీనియ‌ర్ బ్యూటీనే నాయిక‌గా ఫిట్ చేశారు దిల్ రాజు. మూవీ ఆద్యంతం వేడెక్కించే స‌న్నివేశాల‌తో యూత్ ని కిల్ చేయ‌బోతున్నార‌ని స‌మాచారం. ఊహ‌కంద‌ని నాలుగు లిప్ లాక్ ల‌తో అద‌ర‌గొట్టేయ‌బోతున్నార‌ట ఇందులో.

గ‌తంలో అమీర్ ఖాన్.. క‌మ‌ల్ హాస‌న్.. ఇమ్రాన్ హ‌స్మి అంటూ చెప్పుకునేవారు. రౌడీ బోయ్స్ విడుద‌ల‌య్యాక ఆశిష్ పేరు అలా వినిపిస్తుందేమో?  క్యూట్ అండ్ హాట్ బ్యూటీతో ఘాటైన వ్య‌వ‌హార‌మే న‌డిపించేసాడు డెబ్యూ బోయ్. శ్యామ్ సింగ‌రాయ్ లో నానీతో కృతి లిప్ లాక్ ఇదే తీరుగా హాట్ డిబేట్ కి తావిచ్చింది. ఇప్పుడు రౌడీ బోయ్ తో అనుప‌మ లిప్ లాక్ అంత‌కుమించి డిబేట‌బుల్ గా మారింది. ప్ర‌స్తుతం ఈ ఘాటైన ముద్దు స‌న్నివేశంపై ట్రోలర్స్ విరుచుకుప‌డుతున్నారు. నిర్మాత కొడుకు అయినంత మాత్రాన అలా అన్ లిమిటెడ్ గా చెల‌రేగుతుందా? అంటూ కౌంట‌ర్లు ప‌డిపోతున్నాయ్. అగ్ర హీరోల‌కు ఇవ్వ‌ని ముద్దులు కుర్ర‌హీరోకి ఏమిటీ అంటూ ఒక సెక్ష‌న్ అభిమానులు కుళ్లుకుపోతున్నారు సుమీ!