ఆర్య ‘సార్ ప‌ట్టా’.. బ్రిటీషోడిపై నాకౌట్ పంచ్‌!

ఆంగ్లేయుల‌తో భార‌తీయుల‌ పోరాటం త‌లుచుకుంటే ఇప్ప‌టికీ దేశ‌భ‌క్తుల దేహం రోమాంచితం అవుతుంది. క‌ళ్లు నిప్పులు కురిపిస్తే.. న‌రాల్లో నెత్తురు లావా మాదిరిగా ప్ర‌వ‌హిస్తుంది. అందుకే.. బ్రిటీష్ వాళ్ల‌పై పోరు క‌థాంశంతో ఏ చిత్రం వ‌చ్చినా.. ప్రేక్ష‌కుల్లో అటెన్ష‌న్ క్రియేట్ అవుతుంది.

అలాంటి తెల్ల‌వాళ్ల‌పై పోరాటానికి బాక్సింగ్ ను మిక్స్ చేసి వ‌స్తున్నాడు త‌మిళ న‌టుడు ఆర్య‌. ఆయ‌న హీరోగా ద‌ర్శ‌కుడు పా.రంజిత్ రూపొందిస్తున్న చిత్రం ‘సార్ ప‌ట్టా’. ఆంగ్లేయులపై రోషమైన పిడిగుద్దు అనేది ట్యాగ్ లైన్. ఈ చిత్రం ఫ‌స్ట్ లుక్ ను తెలుగులో హీరో రానా రిలీజ్ చేశారు.

ఈ పోస్ట‌ర్ లో హీరో ఆర్య క‌టౌట్ అద్దిరిపోతోంది. సిక్స్ ప్యాక్ తో స్టీల్ బాడీతో బాక్సింగ్ గ్లౌజుల‌తో ప్ర‌త్య‌ర్థిని క‌మాన్ అంటూ పోరుకు పిలుస్తున్న‌ట్టుగా ఉంది.

క‌బాలి, కాలాతో ఇండియన్ సినిమాలో త‌న‌దైన ముద్ర‌వేసిన‌ ద‌ర్శ‌కుడు రంజిత్‌. ఆయ‌న నుంచి వ‌స్తున్న చిత్రం కావ‌డం.. సినిమా పోస్ట‌ర్ తోపాటు, హీరో ఆర్య లుక్ కూడా వైవిద్యంగా క‌నిపిస్తుండడం ప్రేక్ష‌కుల్లో ఆస‌క్తిని రేకెత్తిస్తోంది.