నేషనల్ అవార్డ్ విన్నింగ్ డైరెక్టర్ తో దగ్గుబాటి మల్టీస్టారర్..?

దగ్గుబాటి వారసుల మల్టీస్టారర్ తెరకెక్కించడానికి ఎప్పటి నుంచో ప్రయత్నాలు జరుగుతున్న సంగతి తెలిసిందే. నిజానికి మూవీ మొఘల్ డి.రామానాయుడు వెంకీ - రానా మరియు వెంకీ - నాగచైతన్య కాంబినేషన్ లో సినిమాలు చేయాలని ఆశపడ్డారు. మంచి స్క్రిప్ట్ కోసం వెతికారు కానీ వర్కౌట్ కాలేదు. ఆయన మరణాంతరం దగ్గుబాటి సురేష్ బాబు.. వెంకటేష్ - చైతన్య కాంబోలో 'వెంకీమామ' సినిమా తీసి సూపర్ హిట్ అందుకున్నారు. ఈ క్రమంలో వెంకటేష్ - రానా కలయికలో సినిమా చేయాలని చూస్తున్నారు. ఇటీవల ఓ ఇంటర్వ్యూలో మాట్లాడిన రానా వీరి కాంబోలో మల్టీస్టారర్ చర్చల దశలో ఉందని.. సరైన స్క్రిప్ట్ కుదిరిన వెంటనే సినిమా స్టార్ట్ చేస్తామని పేర్కొన్నాడు. అయితే ఇప్పుడు ఇండస్ట్రీలో నడుస్తున్న టాక్ ప్రకారం బాబాయ్ - అబ్బాయ్ మల్టీస్టారర్ కి డైరెక్టర్ సెట్ అయ్యాడట.

'శతమానంభవతి' చిత్రంతో జాతీయ స్థాయిలో గుర్తింపు తెచ్చుకున్న సతీష్ వేగేశ్న దర్శకత్వంలో దగ్గుబాటి హీరోల మల్టీస్టారర్ రూపొందనుందని తెలుస్తోంది. ప్రస్తుతం 'కోతి కొమ్మచ్చి' సినిమాని డైరెక్ట్ చేస్తున్న సతీష్ వేగేశ్న.. ఇటీవలే సురేష్ బాబుకి ఓ స్టోరీ వినిపించాడట. దీనికి సురేష్ బాబు నుంచి కూడా పాజిటివ్ సిగ్నల్ వచ్చిందని.. అన్నీ కుదిరితే ఈ ప్రాజెక్ట్ ని వచ్చే ఏడాది సెట్స్ పైకి తీసుకెళ్లే అవకాశం ఉందని అంటున్నారు. కాగా, వెంకీ - రానా కాంబో లో ఓ సినిమా వస్తే బాగుంటుందని దగ్గుబాటి ఫ్యాన్స్ ఎప్పటి నుంచో ఎదురు చూస్తున్నారు. రానా హీరోగా నటించిన 'కృష్ణం వందే జగద్గురుమ్' సినిమాలో వెంకీ ఓ సాంగ్ లో కనిపించి అలరించిన సంగతి తెలిసిందే. మరి త్వరలోనే బాబాయ్‌ - అబ్బాయ్‌ కాంబినేషన్‌ లో పూర్తి స్థాయి మల్టీస్టారర్ అనౌన్స్ చేస్తారేమో చూడాలి.