టాలీవుడ్ లో న‌టిస్తాను.. కానీ కండీష‌న్స్ అప్లై!

డ్యాషింగ్ డైరెక్ట‌ర్ పూరి జ‌గ‌న్నాథ్‌ ద‌ర్శ‌క‌త్వం వ‌హించిన `లోఫ‌ర్` సినిమాతో టాలీవుడ్ కు ప‌రిచ‌య‌మైంది దిశాప‌టానీ. తొలి ప్ర‌య‌త్నం నిరాశ‌ప‌రిచాక బాలీవుడ్ కి ప‌రిమ‌త‌మై బిజీ అయిన‌ సంగ‌తి తెలిసిందే. `ఎం.ఎస్.ధోనీ`- `భాఘి-2` చిత్రాలు స‌క్సెస్ అవ్వ‌డంతో దిశాకు ఉత్త‌రాదిన మంచి గుర్తింపు ద‌క్కింది. ప్రస్తుతం స‌ల్మాన్ ఖాన్ స‌ర‌స‌న రాధేలో న‌టించింది. మే 13న భారీ అంచ‌నాల న‌డుమ ఈ చిత్రం రిలీజవుతోంది. అలాగే `ఏక్ విల‌న్ రిట‌ర్స్`తో పాటు..మ‌రో సినిమాలో కూడా న‌టిస్తోంది.

మ‌రో రెండు ప్రాజెక్ట్ లు చ‌ర్చ‌లో ద‌శ‌లో ఉన్న‌ట్లు బాలీవుడ్ మీడియా క‌థ‌నాలు వెల్ల‌డిస్తున్నాయి. ఈ నేప‌థ్యంలో టాలీవుడ్ లో అవ‌కాశాలు వ‌స్తే మ‌ళ్లీ న‌టిస్తారా? అని ఓ ఇంట‌రాక్ష‌న్ లో మీడియా ప్ర‌శ్నించింది. ``న‌టిస్తాను.. కానీ కండీష‌న్స్ అప్లై!`` అంటూ మెలిక వేసిందిట‌.

ఆరంభంలో మెగా హీరో స‌ర‌స‌న‌ లోఫ‌ర్ చిత్రంలో న‌టించినా...ప్ర‌స్తుతం అలాంటి ఛాన్సులోస్తే నో అనేస్తోందట‌. కేవ‌లం స్టార్ హీరోల స‌ర‌స‌న మాత్ర‌మే న‌టిస్తాన‌ని కుండ బ‌ద్ద‌లు కొడుతోంది. ఇటీవ‌ల‌ ప‌లు తెలుగు కాస్టింగ్  ఏజెన్సీలు సంప్ర‌దించ‌గా ఇలాంటి స‌మాధానం వినిపించింద‌ని తెలిసింది. ఈ నేప‌థ్యంలో టాలీవుడ్ ద‌ర్శ‌క నిర్మాత‌లు లైట్ తీసుకుందామ‌నే ప‌రిస్థితి వ‌చ్చిన‌ట్లు ఇన్ సైడ్ టాక్ వినిపిస్తోంది.

రాజీకి రాక‌పోతే ఇప్పుడున్న స‌న్నివేశంలో టాలీవుడ్ లో మ‌ళ్లీ కంబ్యాక్ అనేది అంత ఈజీ కాదు. తెలుగు సినిమాల్లోకి రావాలంటే చాలా దిగి రావాల్సిందే. కండీష‌న్స్ అప్ల‌య్ అంటే అస్స‌లు కుద‌ర‌దు. ఇక దిశా గురించి మ‌రో సంగ‌తి తెలిసిందే. ఇటీవ‌ల ఈ అమ్మ‌డు బికినీ ఫోజుల‌కంటే  బాస్కెట్ బాల్ షాట్స్.. జోర్డాన్స్ అంటేనే ఆసక్తి చూపిస్తోందిట‌.