సర్కారు వారి హాటెస్ట్ సీన్ ఇదే

మ‌హేష్ క‌థానాయ‌కుడిగా న‌టిస్తున్న తాజా సినిమా స‌ర్కార్ వారి పాట‌లో  సముద్రకని కీల‌క పాత్ర‌లో న‌టిస్తున్న సంగ‌తి తెలిసిందే. తాజా స‌మాచారం మేర‌కు సముద్రకని - మహేష్ బాబుతో హైదరాబాద్ లో ప్రత్యేకంగా ఏర్పాటు చేసిన బ్యాంక్ సెట్ లో న‌టిస్తున్నారు. ఆ ఇద్ద‌రిపైనా క్రేజీ ఘర్షణ సన్నివేశాన్ని చిత్రీకరించారు.

ఈ సినిమాలో మహేష్ - సముద్రకని ఒకరినొకరు సవాల్ ప్ర‌తి స‌వాల్ చేసుకునే సన్నివేశం సినిమాలో కీలకమైన సమయంలో వస్తుంది. ఈ సన్నివేశం సినిమాకు పెద్ద హైలైట్ గా నిలుస్తుందని యూనిట్ వర్గాలు చెబుతున్నాయి. ఈ రివెంజ్ ఓరియెంటెడ్ సినిమాలో మహేష్ కీలక పాత్రలో కనిపించనున్నాడు. ప్రస్తుతానికి ఈ చిత్రం పూర్తికావస్తోంది. ఇందులో కీర్తి సురేష్ హీరోయిన్ గా నటిస్తోంది. తమన్ సంగీతం సమకూరుస్తున్నారు.

ప‌ర‌శురాం డైరెక్ష‌న్ లో `స‌ర్కారు వారి పాట‌` చిత్రాన్ని చేస్తున్న విషయం తెలిసిందే. దుబాయ్ లోని ప‌లు లొకేష‌న్ ల‌లో కీలక యాక్ష‌న్ ఘ‌ట్టాల‌తో పాటు ఛేజింగ్ సీన్ ల‌ని పూర్తి చేసుకున్న ఈ చిత్ర బృందం ఛేజింగ్ సీన్ ల‌ని హైద‌రాబాద్ లో షూట్ చేసారు. మైత్రీ మూవీమేక‌ర్స్ తో క‌లిసి 14 రీల్స్ ప్ల‌స్ సంస్థ నిర్మిస్తున్న ఈ మూవీ యాక్ష‌న్ ఘ‌ట్టాల‌ని చిత్రీక‌రిస్తున్నారు.

ఇక‌పోతే త‌మిళ‌ సీనియ‌ర్ నటుడు స‌ముద్ర‌క‌ని ఇటీవ‌ల టాలీవుడ్ లో బిజీ ఆర్టిస్టుగా మారారు. అతను తదుపరి RRR స‌హా మెగా చిత్రాలలో కనిపిస్తాడు. ఇప్పటికే ప‌లు సినిమాల‌కు సంబంధించిన తన షూటింగ్ పార్ట్ ని పూర్తి చేసాడు.