14 రీల్స్ అనగానే మహేష్ బాబు హోమ్ బ్యానర్ లాగా అనిపిస్తుంది. అతడితో ‘దూకుడు’ లాంటి బ్లాక్ బస్టర్ అందించి టాలీవుడ్ బడా బేనర్లలో ఒకటిగా నిలిచింది ఆ సంస్థ. మహేష్ అభిమానులుగా చెప్పుకునే ఈ చిత్ర నిర్మాతలు.. ఆ తర్వాత అతడితో ‘1 నేనొక్కడినే’.. ‘ఆగడు’ లాంటి భారీ సినిమాలు తీశారు. ఆ రెండు సినిమాలూ భారీ నష్టాలు మిగిల్చినప్పటికీ మహేష్ మీద వారి అభిమానం ఏమాత్రం తగ్గలేదు. ఎప్పటికప్పుడు మహేష్ మీద తమ అభిమానాన్ని చాటుకుంటూనే ఉన్నారు 14 రీల్స్ అధినేతలు. వాళ్లు చూపించే ఈ ప్రేమకు ఫిదా అయిన మహేష్.. ఈ బేనర్లో ఇంకో సినిమా చేయడానికి కమిట్మెంట్ ఇచ్చినట్లు సమాచారం.
ప్రస్తుతం ‘భరత్ అను నేను’ సినిమా చేస్తున్న మహేష్.. దీని తర్వాత వంశీ పైడిపల్లి దర్శకత్వంలో నటిస్తాడు. దాని తర్వాత త్రివిక్రమ్ లైన్లో ఉన్నాడు. ఆ సినిమా పక్కా అయితే.. దాని తర్వాత మహేష్ చేసే సినిమా 14 రీల్స్ వాళ్లతోనే ఉంటుందట. త్రివిక్రమ్ సినిమా ఓకే కాకపోతే వంశీ మూవీ అవ్వగానే వీళ్లు అందుకుంటారు. ఈ చిత్రానికి బోయపాటి శ్రీనును దర్శకుడిగా అనుకుంటున్నట్లు సమాచారం. ఆల్రెడీ అతడితో సంప్రదింపులు కూడా జరుగుతున్నాయట. గతంలో ఎన్నో పెద్ద బేనర్లలో నటించిన మహేష్ కూడా 14 రీల్స్ అంటే చాలా సౌకర్యంగా ఫీలవుతాడు. ‘దూకుడు’ సినిమా చేశాక.. తాను పని చేసిన అందరు నిర్మాతల్లోకి ది బెస్ట్ అంటూ 14 రీల్స్ వాళ్లను పొగిడేయడం గుర్తుండే ఉంటుంది. మరి ఈ కాంబినేషన్లో రాబోయే తర్వాతి సినిమా ‘దూకుడు’ మ్యాజిక్‌ ను రిపీట్ చేస్తుందేమో చూద్దాం.
ప్రస్తుతం ‘భరత్ అను నేను’ సినిమా చేస్తున్న మహేష్.. దీని తర్వాత వంశీ పైడిపల్లి దర్శకత్వంలో నటిస్తాడు. దాని తర్వాత త్రివిక్రమ్ లైన్లో ఉన్నాడు. ఆ సినిమా పక్కా అయితే.. దాని తర్వాత మహేష్ చేసే సినిమా 14 రీల్స్ వాళ్లతోనే ఉంటుందట. త్రివిక్రమ్ సినిమా ఓకే కాకపోతే వంశీ మూవీ అవ్వగానే వీళ్లు అందుకుంటారు. ఈ చిత్రానికి బోయపాటి శ్రీనును దర్శకుడిగా అనుకుంటున్నట్లు సమాచారం. ఆల్రెడీ అతడితో సంప్రదింపులు కూడా జరుగుతున్నాయట. గతంలో ఎన్నో పెద్ద బేనర్లలో నటించిన మహేష్ కూడా 14 రీల్స్ అంటే చాలా సౌకర్యంగా ఫీలవుతాడు. ‘దూకుడు’ సినిమా చేశాక.. తాను పని చేసిన అందరు నిర్మాతల్లోకి ది బెస్ట్ అంటూ 14 రీల్స్ వాళ్లను పొగిడేయడం గుర్తుండే ఉంటుంది. మరి ఈ కాంబినేషన్లో రాబోయే తర్వాతి సినిమా ‘దూకుడు’ మ్యాజిక్‌ ను రిపీట్ చేస్తుందేమో చూద్దాం.