పూనమ్ పాండే ఎందుకు మిస్సయింది?

బాలీవుడ్డోళ్లకు ‘నషా’ సినిమాతో నిషా ఎక్కిద్దామని చూసింది పూనమ్ పాండే. కానీ బాలీవుడ్ జనాలు ఆమెకు దిమ్మదిరిగే షాకిచ్చారు. ఎంతగా విప్పి చూపించినా ఆమెను కనికరించలేదు. దీంతో హిందీ ప్రేక్షకుల మీద అలిగి టాలీవుడ్ బాట పట్టింది పూనమ్. ఇక్కడ బి-గ్రేడ్ సినిమాలకు కేరాఫ్ అడ్రస్ గా మారిన వీరూ.కె ను పట్టింది. ఇద్దరికీ భలేగా జోడీ కుదిరింది. ఓ నిర్మాత రెడీ అయ్యాడు. ‘మాలిని అండ్ కో’ అంటూ మంచి మసాలా సినిమా తీశారు. అందాల ప్రదర్శనకు అన్నిసార్లూ కాసులు రాలవని బాలీవుడ్ జనాలు చాటి చెప్పినా పూనమ్ లో ఏ మార్పూ రాలేదు. తనకున్న టాలెంట్ అదొక్కటే కాబట్టి రెచ్చిపోయింది.

ట్రైలర్లు చూస్తేనే పిచ్చెక్కిపోయింది కుర్రాళ్లకు. మరి సినిమాలో ఇంకెంత ఉంటుందో అనుకుంటూ ఆశగా చూశారు కానీ.. సినిమా మాత్రం విడుదల కావట్లేదు. ఇదిగో అదిగో అంటూ స్వాతంత్ర్య దినోత్సవ కానుకగా ఈ ఉదాత్తమైన చిత్రాన్ని ఆగస్టు 14న విడుదల చేస్తున్నట్లు ప్రకటించారు కానీ.. ఏమైందో ఏమో చివరి నిమిషాల్లో సినిమాకు బ్రేక్ పడిపోయింది. బహుశా శ్రీమంతుడు ఇంకా బాగా ఆడుతుండటం.. సినిమా చూపిస్త మావ, ఉపేంద్ర-2 లాంటి చెప్పుకోదగ్గ సినిమాలు వస్తుండటంతో థియేటర్లు దొరకలేదో ఏమో. తెలుగులో రిలీజ్ చేయలేకపోవడంతో తమిళ, హిందీ వెర్షన్స్ కూడా ఆగిపోయాయి. ఐతే తమ సినిమా ఎప్పుడు రిలీజైనా సూపర్ హిట్ కావడం ఖాయమని.. త్వరలోనే ప్రేక్షకుల ముందుకొస్తామని ధీమాగా చెబుతున్నాడు వీరూ.కె. పూనమ్ అభిమానులు ఇంకొన్ని రోజులు నిరీక్షించండి.