అల్లు నుండి మంచు బ్యానర్ కు పరశురామ్

విజయ్ దేవరకొండ తాజా చిత్రం 'గీత గోవిందం' హిట్ అయింది.  దీంతో సహజంగానే హీరో క్రేజ్ మరింతగా పెరుగుతుంది.  దాంతో పాటుగా డైరెక్టర్ పరశురామ్ కూడా క్రేజీ డైరెక్టర్ గా మారిపోయాడు.  దీంతో పరశురామ్ తదుపరి చిత్రం ఎవరితో చేస్తాడని ప్రేక్షకుల్లో ఆసక్తి నెలకొంది.

తాజా సమాచారం ప్రకారం పరశురామ్ తన నెక్స్ట్ సినిమాను లక్ష్మిప్రసన్న పిక్చర్స్ బ్యానర్ లో చేస్తాడట.  ఈ సినిమాకు డా. మోహన్ బాబు నిర్మాత.. అయన తనయుడు మంచు విష్ణు హీరో.  ఈ సినిమా కూడా ఒక ఫ్యామిలీ ఎంటర్టైనర్  అనే టాక్ వినిపిస్తోంది. ఈ ప్రాజెక్టుకు సంబంధించిన ఇతర వివరాలు త్వరలోనే వెల్లడవుతాయి.  మరో వైపు పరశురామ్ కు గీతా ఆర్ట్స్ లోను - మైత్రీ మూవీ మేకర్స్ బ్యానర్ లోను కమిట్మెంట్స్ ఉన్నాయట. కానీ వాటికంటే ముందు మంచు విష్ణు సినిమాపై వర్క్ చేస్తాడట.

ఇప్పటికే అరడజను సినిమాలు చేసిన పరశురామ్ కు 'సోలో'.. 'శ్రీరస్తు శుభమస్తు' లాంటి హిట్స్ ఉన్నా.. 'గీత గోవిందం' ఒక పెద్ద బ్రేక్.  మరి విజయ్ దేవరకొండ కు పెద్ద హిట్ ఇచ్చిన పరశురామ్ మంచు విష్ణు కు కూడా మంచి హిట్ ఇస్తాడో లేదో వేచి చూడాలి.