టాలీవుడ్ స్టార్ హీరోలు మాత్ర‌మే అత‌డి టార్గెట్?

ఒకే ఒక్క బ్లాక్ బ‌స్ట‌ర్ తో పాన్ ఇండియా డైరెక్ట‌ర్ గా వెలిగిపోతున్నాడు ప్ర‌శాంత్ నీల్. కేజీఎఫ్ తెచ్చిన క్రేజు ఇది. ప్ర‌స్తుతం కేజీఎప్ 2 ప్రకంప‌నాలు కొన‌సాగుతున్నాయి. టీజ‌ర్ తోనే హైప్ వ‌చ్చింది. ట్రైల‌ర్ తో దుమారం రేప‌డం ఖాయ‌మ‌న్న టాక్ ఉంది. ఇక ఈ మూవీని 16 జూలై 2021న రిలీజ్ చేస్తామ‌ని ప్ర‌క‌టించ‌డంతో ట్రేడ్ లో ఒక‌టే ఆస‌క్తిక‌ర చ‌ర్చ మొద‌లైంది. కేజీఎఫ్ 2 బిజినెస్ హైప్ గురించి ర‌క‌ర‌కాల ప్ర‌చారం సాగుతోంది.

ఇదిలా ఉండ‌గానే.. కేజీఎఫ్ తో ఫేట్ మార్చేసుకున్న ప్ర‌శాంత్ నీల్ - క‌న్న‌డ హీరోల్ని పక్క‌న పెట్టేశాడ‌ని .. క‌న్న‌డ ద‌ర్శ‌కుడే అయినా కేవ‌లం టాలీవుడ్ స్టార్ హీరోల్నే టార్గెట్ చేస్తున్నాడ‌ని గుస‌గుస‌లు వేడెక్కిస్తున్నాయి. అది కూడా పాన్ ఇండియా అప్పీల్ ఉన్న టాప్ 5 స్టార్ల‌తోనే అత‌డు ప‌ని చేస్తున్నాడ‌న్న టాక్ వినిపిస్తోంది.

కేజీఎఫ్ 2 త‌రువాత యంగ్ రెబ‌ల్ స్టార్ ప్ర‌భాస్ తో `స‌లార్` తెర‌కెక్కిస్తున్నారు. ఇప్ప‌టికే షూట్ మొద‌లైంది. ఆ త‌రువాత యంగ్ టైగ‌ర్ య‌న్టీఆర్ తో సినిమా చేయాల్సి ఉంది. ఆ వెంట‌నే అల్లు అర్జున్ తో సినిమాకి క‌మిట‌య్యాడు. రాబోవు మూడేళ్ల‌పాటు అత‌డి కాల్ షీట్లు పూర్తిగా పాన్ ఇండియా స్టార్ల‌కే అంకిత‌మిచ్చాడు.

అయితే పాన్ ఇండియా డైరెక్ట‌ర్ గా అప్ర‌తిహ‌త జైత్ర యాత్ర ఇలానే కొన‌సాగాలంటే... మాత్రం కేజీఎఫ్ 2 బ్లాక్ బ‌స్ట‌ర్ కొట్టాల్సిందే. అలా కాక‌పోతే ఈ లెక్క‌లు కూడా మార‌తాయ్. కేజీఎఫ్ 2 రిజ‌ల్ట్ ఆశించిన‌ట్టు లేక‌పోతే..అత‌డి క్యూలో `స‌లార్` మిన‌హా మ‌రో సినిమా ఉండే ఛాన్స్ లేద‌ని విశ్లేషిస్తున్నారు. హిట్టును న‌మ్మే ప‌రిశ్ర‌మ‌మ‌లో స‌క్సెస్ ఒక్క‌టే గీటు రాయి అనేది ప్ర‌శాంత్ నీల్ కి వ‌ర్తిస్తుంద‌ని ట్రేడ్ వ‌ర్గాలు ఎనలైజ్ చేస్తున్నాయి. ఆ స్థాయిని అత‌డు నిల‌బెట్టుకుని వ‌రుస స‌క్సెస్ ల‌తో ఇండియాస్ మోస్ట్ వాంటెడ్ డైరెక్ట‌ర్ అవుతాడా లేదా చూడాలి.