ప్రేమ‌మ్ వ‌సూళ్లు డ‌బుల‌య్యాయి

‘ప్రేమ‌మ్’ సినిమా గురించి ట్విట్ట‌ర్లో ఓ అభిమాని ఓ మెసేజ్ పెట్టాడు. ఈ సినిమా వసూళ్లు తొలి రోజు కంటే రెండో రోజు.. రెండో రోజు కంటే మూడో రోజు ఎక్కువ ఉంటాయ‌న్న‌ది ఆ అభిమాని అంచ‌నా. ఈ అంచ‌నా నిజ‌మ‌య్యేలాగే క‌నిపిస్తోంది. రీమేక్ కావ‌డం.. పైగా ఈ సినిమా గురించి సాగిన నెగెటివ్ ప్ర‌చారం వ‌ల్ల ముందు జ‌నాల్లో కొంచెం సందేహాలున్నాయి. టాక్ ను బ‌ట్టి సినిమాకు వెళ్దాం అన్న‌ట్లు ఎదురు చూశారు జ‌నాలు. ఐతే సినిమా తొలి షో నుంచే టాక్ అదుర్స్ అని వ‌చ్చింది. దీంతో త‌ర్వాత షో షోకు క్రౌడ్.. హైప్ రెండూ పెరిగిపోయాయి.

తెలుగు రాష్ట్రాల‌తో పాటు అన్ని చోట్లా ‘ప్రేమ‌మ్’ క‌లెక్ష‌న్లు స్ట‌డీగా ఉన్నాయి. తొలి రోజుతో పోలిస్తే రెండో రోజు వ‌సూళ్లు మ‌రింత మెరుగ్గా ఉంటాయ‌ని భావిస్తున్నారు. అమెరికాలో ప్రిమియ‌ర్ షోల ద్వారా గురువారం ‘ప్రేమ‌మ్’ 74 వేల డాల‌ర్ల దాకా వ‌సూలు చేసింది. శుక్ర‌వారం వ‌సూళ్లు డ‌బుల్ అయ్యాయి. ఏకంగా 1.35 ల‌క్ష‌ల డాల‌ర్ల క‌లెక్ష‌న్ వ‌చ్చింది. మొత్తం వ‌సూళ్లు 2 ల‌క్ష‌ల డాల‌ర్లు దాటాయి. వీకెండ్ కాబ‌ట్టి శ‌ని.. ఆదివారాల్లో క‌చ్చితంగా వ‌సూళ్లు బెట‌ర్ గా ఉంటాయి. అంటే వీకెండ్ ముగిసేస‌రికి వ‌సూళ్లు హాఫ్ మిలియ‌న్ మార్కుకు చేరువ‌గా రావ‌చ్చు. ఈ సినిమా అక్క‌డ మిలియ‌న్ మార్కును అందుకున్నా ఆశ్చ‌ర్యమేమీ లేదు.

Like Us on Facebook : https://www.facebook.com/Tupakidotcom/