ఫోటో స్టోరి: స‌కుటుంబ స‌ప‌రివార స‌మేతంగా..!

`అందాల రాక్ష‌సి` సినిమాతో హీరోగా ప‌రిచ‌య‌మైన రాహుల్ ర‌వీంద్ర‌న్ ఆ త‌ర్వాత ద‌ర్శ‌కుడిగానూ రంగ ప్ర‌వేశం చేసిన సంగ‌తి తెలిసిందే. సుమంత్ క‌థానాయ‌కుడిగా చి.ల‌.సౌ అనే ప్ర‌శంస‌లు పొందిన చిత్రాన్ని తెర‌కెక్కించారు. ఆ త‌ర్వాత వెంట‌నే కింగ్ నాగార్జున లాంటి పెద్ద స్టార్ అవ‌కాశం ఇచ్చారు. మ‌న్మ‌ధుడు సీక్వెల్ ని ఆఫ‌ర్ చేసినా కానీ ఆశించిన విజ‌యం ద‌క్క‌లేదు. రాహుల్ రేర్ ఛాన్స్ ని సద్వినియోగం చేసుకోవ‌డంలో త‌డ‌బ‌డ్డారు.

ప్ర‌స్తుతం న‌టుడిగా బిజీ అవుతున్నారు. నాని `శ్యామ్ సింఘ‌రాయ్`లో ఓ ఆస‌క్తిక‌ర పాత్ర‌ను పోషిస్తున్నాడ‌ని స‌మాచారం. అలాగే ది గ్రేట్ ఇండియ‌న్ కిచెన్ రీమేక్ లోనూ అత‌డు న‌టిస్తున్నాడు. ప్ర‌స్తుతానికి ద‌ర్శ‌కుడిగా గ్యాప్ వ‌చ్చినా న‌టుడిగా కెరీర్ ని సాగించే ప్లాన్ లో ఉన్నాడ‌ని అత‌డి అడుగులు చెబుతున్నాయి.

తాజాగా రాహుల్ ర‌వీంద్ర‌న్ త‌న ఫ్యామిలీ ఫోటోని షేర్ చేయ‌గా అది వైర‌ల్ గా మారింది. త‌న కుటుంబీకులంద‌రితో స‌కుటుంబ స‌ప‌రివార సమేతంగా.. ఫ్రేమ్ ఎంతో క‌ల‌ర్ ఫుల్ గా క‌నిపిస్తోంది. రాహుల్ ర‌వీంద్ర‌న్ ప్ర‌ముఖ గాయ‌ని డ‌బ్బింగ్ క‌ళాకారిణి చిన్మ‌యి భ‌ర్త అన్న సంగ‌తి తెలిసిందే. స‌మంత‌- త్రిష స‌హా టాప్ స్టార్ల‌కు త‌న గాత్రాన్ని చిన్మ‌యి దాన‌మిచ్చారు.