వాళ్లిద్దరూ ఆ సీక్వెల్ కు పర్ఫెక్ట్

మెగాస్టార్ చిరంజీవి కెరీర్ లో చిరస్థాయిగా నిలిచిపోయే సినిమా జగదేక వీరుడు.. అతిలోక సుందరి. చిరు - శ్రీదేవి జంటగా నటించిన ఈ సోషియో ఫాంటసీ మూవీ అప్పట్లో రికార్డులు తిరగరాసింది. ఇందులో దేవలోకం నుంచి దిగివచ్చిన ఇంద్రుడు కూతురిగా శ్రీదేవి నటన ఎప్పటికీ ఎవరూ మరిచిపోరు. దీనికి సీక్వెల్ తీయాలన్న కోరిక చిరుతో పాటు ఆయన అభిమానుల్లోనూ ఎప్పటినుంచో ఉంది.

ఇప్పుడు జనరేషన్ మారింది. చిరు తనయుడు - మెగాపవర్ స్టార్ రామ్ చరణ్ తేజ్ హీరోగా మంచి ఫాంలో ఉన్నాడు. తాజాగా శ్రీదేవి కూతురు జాన్వి కపూర్ సినిమాల్లోకి అడుగుపెట్టింది. ఆమె నటించిన మొదటి సినిమా ధడక్ రిలీజ్ కు సిద్ధమవుతోంది. ఇప్పుడు చరణ్ - జాన్విలతో జగదేక వీరుడు - అతిలోక సుందరి సీక్వెల్ తీస్తే అద్భుతంగా ఉంటుందని అభిమానులు ఆశ పడుతున్నారు. బడ్జెట్ ఎక్కువైనా సరైన సినిమా పడితే కలెక్షన్లు కొల్లగొట్టగలడని రామ్ చరణ్ తన లేటెస్ట్ మూవీ రంగస్థలంతో ప్రూవ్ చేసుకున్నాడు.

జగదేక వీరుడు - అతిలోక సుందరి సీక్వెల్ లో చరణ్ - జాన్వి కలిసి నటిస్తే ఎలా ఉంటుందనే దానిపై కొందరు ఫ్యాన్స్ ఇప్పటికే పోస్టర్లు తయారు చేసి నెట్ లో పెడుతున్నారు. ఇవి చాలామందిని ఆకట్టుకుంటున్నాయి.  బాలీవుడ్ హీరోయిన్లంతా ముందో వెనుకో టాలీవుడ్ లో ఒకటి రెండు సినిమాలు చేస్తూనే ఉన్నారు. మరి జాన్వి ఎప్పుడు  టాలీవుడ్ వైపు చూస్తుందో?