లక్కీ ఛార్మ్ ను దించుతున్నావా ఎన్టీఆర్?

సెంటిమెంట్లకు టాలీవుడ్ దాసోహం అని వేరే చెప్పక్కర్లేదు. నిజానికి పెద్ద డ్యాన్సర్ కాకపోయినా.. హంసా నందిని ఉన్న రెండు మూడు సినిమాలు బ్లాక్ బస్టర్లు అయ్యాయ్ కాబట్టి.. అప్పట్లో అందరూ ఆమెతో ఐటెం సాంగులు చేయించేశారు. ఇప్పుడు జూనియర్ ఎన్టీఆర్ కూడా సేమ్ అటువంటి సెంటిమెంటే ఒకటి ఫాలో అవుతున్నాడా అంటే అవుననే వినిపిస్తోంది.

నిజానికి 'జనతా గ్యారేజ్‌' సినిమా జూనియర్ కు కొత్త ఊపిరినిచ్చింది. అప్పటివరకు అందకుండా పోయిన ఆ బడా బ్లాక్ బస్టర్ అనేది తన ఖాతాలో పడింది. అందుకే ఆ సినిమాలో హీరోయిన్ గా చేసిన సమంతను ఇప్పుడు మరోసారి రిపీట్ చేయాలని అనుకుంటున్నాడట. అయితే ఇప్పటికే తను చేస్తున్న కొత్త సినిమా 'జై లవ కుశ'లో రాశి ఖన్నా మరియు నివేదా థామస్ లను హీరోయిన్స్ గా తీసుకున్నాడు కాబట్టి.. సమంతకు ఏ పాత్రను ఇస్తాడు? ఈ సినిమాలో ఒక చిన్న 10 నిమిషాల క్యామియోలు సమంత కనిపించనుంది అంటూ రూమర్లు వచ్చేశాయి మరి. చూద్దాం ఎంతవరకు ఈ లక్కీ ఛార్మ్ ను దించడం అనే విషయం నిజమువుతోంది.

అయితే బృందావనం సినిమాతో ఈ జంట హిట్టు కొట్టినా కూడా.. తరువాత రభస అండ్ రామయ్య వస్తావయ్యా అంటూ సూపర్ డిజాష్టర్లను చవిచూశారు. కాబట్టి జనతా గ్యారేజ్ లక్కీ సెంటిమెంట్ అనుకోవడం నిజంగా సెంటిమెంటే కాదు అంటున్నారు విశ్లేషకులు.

Like Us on Facebook : https://www.facebook.com/Tupakidotcom/