కుండమార్పిడి స్కీంలో బన్నీ సుశాంత్ లు ?

త్రివిక్రమ్ శ్రీనివాస్ దర్శకత్వంలో అల్లు అర్జున్ హీరోగా రూపొందుతున్న చిత్రం షూటింగ్ మంచి స్పీడ్ తో సాగుతోంది. విడుదల వచ్చే ఏడాది సంక్రాంతికి ఫిక్స్ చేసుకున్నప్పటికీ షూటింగ్ మొదలుకావడంలోనే ఆలస్యం జరిగింది కాబట్టి ఒక్కొక్కటి ప్లానింగ్ ప్రకారం చేసుకుంటూ త్రివిక్రమ్ దీన్ని పూర్తి చేసే పనిలో పడ్డాడు. ఇందులో అక్కినేని హీరో సుశాంత్ కూడా ఓ కీలక పాత్ర చేస్తున్న సంగతి తెలిసిందే. అయితే ఇతని రోల్ ఏంటి అనే విషయం మాత్రం ఇన్నాళ్లు సస్పెన్స్ గా ఉండిపోయింది.

ఫిలిం నగర్ లీక్ ప్రకారం సుశాంత్ చెల్లి పూజా హెగ్డేని బన్నీ ప్రేమిస్తే రివర్స్ లో అల్లు అర్జున్ సోదరిగా నటించిన నివేత పేతురాజ్ ని అక్కినేని హీరో లవ్ లో పడేస్తాడన్న మాట. దీన్ని పెద్దల మాటల్లో చెప్పాలంటే కుండమార్పిడి పెళ్లి అంటారు. ఈ పోలికలున్న లైన్ తో గతంలో నేను శైలజ వచ్చింది. ఇలాంటి పాత్రల్లోనే రామ్ ప్రిన్స్ లు కనిపిస్తారు. ఈ ఒక్క పాయింట్ తప్ప మిగిలినదంతా వేరుగా ఉంటుంది లెండి.

ఇప్పుడీ సమాచారం అధికారికంగా వచ్చిందేమీ కాదు కానీ లీకవుతున్న న్యూస్ మాత్రం దీన్ని కాస్త బలంగానే చెబుతున్నాయి. ఇదంతా ఓకే కానీ ఒకవేళ నిజమే అయితే నివేత పేతురాజ్ కెరీర్ ఇప్పుడిప్పుడే సెట్ అవుతున్న టైంలో బన్నీకి చెల్లిగా నటించడం అంటే ఆశ్చర్యం కలిగించే విషయం. మీడియం రేంజ్ హీరోలతో తప్ప జోడీకట్టే అవకాశం రావడం లేదు కాబట్టి ఇలా అయినా తనమీద ఫోకస్ పడేలా చేసుకుంటే వర్క్ అవుట్ అవుతుందనుకుంది కాబోలు. పేరుకు సెకండ్ హీరోయిన్లే అయినా తన సినిమా మంచి ప్రాధాన్యం ఉండేలా చూసుకునే త్రివిక్రమ్ బన్నీ సుశాంత్ పూజా నివేత బాండింగ్ లను ఎలా చూపబోతున్నాడో