ఒక దర్శకుడిని నమ్మేసి వందల కోట్ల బడ్జెట్ నిర్మాతలు పెడుతున్నారంటే, ఆ దర్శకుడి విజన్ పై ఆ నిర్మాతలకు ఎంత నమ్మకం ఉండాలి. ఒక దర్శకుడితో కలిసి ఒక ప్రాజెక్టుపై ఎంత కాలమైనా పని చేయడానికి స్టార్ హీరోలు ఒప్పుకుంటున్నారంటే ఆ దర్శకుడి ప్రతిభపై వాళ్లకి ఎంత విశ్వాసం ఉండాలి. అలాంటి ఒక నమ్మకాన్ని సంపాదించుకున్న దర్శకుడిగా రాజమౌళి కనిపిస్తాడు.
అపజయమనేది ఆయనకి కనుచూపు మేరలో కనిపించకుండా జాగ్రత్తపడుతూ ఉంటుంది. ఆయన ఏ సినిమా తీసినా అది వసూళ్ల పరంగా విజృభిస్తుండటం విశేషం. అలాంటి రాజమౌళి తాజా చిత్రంగా ప్రేక్షకుల ముందుకు 'ఆర్ ఆర్ ఆర్' వస్తోంది.
రాజమౌళి ఇంతవరకూ చేసిన సినిమాలు ఒక ఎత్తు .. ఈ సినిమా ఒక ఎత్తు. ఇద్దరు విప్లవ వీరుల చరిత్రలను ఆయన ఈ సినిమాలో టచ్ చేశాడు. ఒకరు అల్లూరి సీతారామరాజు అయితే, మరొకరు కొమరం భీమ్. అల్లూరిగా చరణ్ .. భీమ్ గా ఎన్టీఆర్ నటించారు. చరిత్రతో ముడిపడిన కథ కావడం వలన, ప్రయోగాల పరంగా ఒక పరిధిని దాటేసి వెళ్లడం కుదరదు.
ఇద్దరు పోరాట వీరుల పాత్రలను సమానంగా చూపించవలసి ఉంటుంది. ఇక ఆ పాత్రలను పోషించిన ఎన్టీఆర్ - చరణ్ ల క్రేజ్ ను కూడా ఆయన దృష్టిలో పెట్టుకుని వాటిని తెరపై ఆవిష్కరించవలసి ఉంటుంది. ఈ రెండు సవాళ్లు ఇప్పుడు రాజమౌళి ముందున్నాయి. వాటిని అధిగమించడానికి ఆయన సిద్ధంగా ఉన్నాడు.
ఇక రాజమౌళి ఒక సినిమాను ఎంత బాగా రూపొందిస్తాడో .. ఆ సినిమాను జనం ముందుకు తీసుకెళ్లే విషయంలో అంత గొప్పగా ప్లాన్ చేస్తాడు. ప్రధానమైన పాత్రలకి సంబంధించి ఒక్కో లుక్ ను వదులుతూ .. ఒక్కో పాత్రను పరిచయం చేస్తూ వెళతాడు. కథలోనే కాదు పబ్లిసిటీ పరంగా కూడా ఎక్కడ ఎప్పుడు ఏ పాత్రను రివీల్ చేయాలనే విషయం ఆయనకి బాగా తెలుసు.
'ఆర్ ఆర్ ఆర్' విషయంలోను ఆయన అదే పద్ధతిని అనుసరించాడు. ఎన్టీఆర్ - చరణ్ పాత్రలకి సంబంధించి వదిలిన పోస్టర్లు .. ఆ వెంటనే ఇద్దరి పాత్రలను హైలైట్ చేస్తూ వదిలిన ట్రైలర్ సినిమాపై అంచనాలను అమాంతంగా పెంచేశాయి. జనవరి 7వ తేదీన ఈ సినిమాను విడుదల చేస్తుండటంతో, నిన్న ముంబైలో ప్రీ రిలీజ్ ఈవెంట్ ను నిర్వహించారు.
ఈ వేదికపై రాజమౌళి మాట్లాడుతూ .. "ఈ సినిమా థియేటర్లకు వచ్చే సమయం కోసం నేను కూడా మీ అందరిలానే ఎంతో ఆసక్తితో ఎదురుచూస్తున్నాను. ఈ సినిమాలో ప్రతి ఒక్కరికీ గూస్ బంప్స్ తెప్పించే ఎపిసోడ్ ఒకటి ఉంది. కీలకమైన ఆ ఎపిసోడ్ సెకండాఫ్ లో వస్తుంది. సినిమా మొత్తానికి హైలైట్ నిలిచే ఎపిసోడ్ అది.
ఆ ఎపిసోడ్ ఏమిటనేది నేను చెప్పను .. మీరు థియేటర్లో చూడవలసిందే. అది ఎలా ఉంటుందనేది ఎక్స్ పీరియన్స్ చేయవలసిందే" అంటూ ఈ సినిమాపై మరింత కుతూహలాన్ని పెంచాడు. 'బాహుబలి' .. 'బాహుబలి 2' తరువాత, పూర్తిగా అందుకు భిన్నమైన జోనర్లో రాజమౌళి చేసిన ఈ సినిమా, సంచలనానికి సరిహద్దుగా నిలుస్తుందేమో చూడాలి.
అపజయమనేది ఆయనకి కనుచూపు మేరలో కనిపించకుండా జాగ్రత్తపడుతూ ఉంటుంది. ఆయన ఏ సినిమా తీసినా అది వసూళ్ల పరంగా విజృభిస్తుండటం విశేషం. అలాంటి రాజమౌళి తాజా చిత్రంగా ప్రేక్షకుల ముందుకు 'ఆర్ ఆర్ ఆర్' వస్తోంది.
రాజమౌళి ఇంతవరకూ చేసిన సినిమాలు ఒక ఎత్తు .. ఈ సినిమా ఒక ఎత్తు. ఇద్దరు విప్లవ వీరుల చరిత్రలను ఆయన ఈ సినిమాలో టచ్ చేశాడు. ఒకరు అల్లూరి సీతారామరాజు అయితే, మరొకరు కొమరం భీమ్. అల్లూరిగా చరణ్ .. భీమ్ గా ఎన్టీఆర్ నటించారు. చరిత్రతో ముడిపడిన కథ కావడం వలన, ప్రయోగాల పరంగా ఒక పరిధిని దాటేసి వెళ్లడం కుదరదు.
ఇద్దరు పోరాట వీరుల పాత్రలను సమానంగా చూపించవలసి ఉంటుంది. ఇక ఆ పాత్రలను పోషించిన ఎన్టీఆర్ - చరణ్ ల క్రేజ్ ను కూడా ఆయన దృష్టిలో పెట్టుకుని వాటిని తెరపై ఆవిష్కరించవలసి ఉంటుంది. ఈ రెండు సవాళ్లు ఇప్పుడు రాజమౌళి ముందున్నాయి. వాటిని అధిగమించడానికి ఆయన సిద్ధంగా ఉన్నాడు.
ఇక రాజమౌళి ఒక సినిమాను ఎంత బాగా రూపొందిస్తాడో .. ఆ సినిమాను జనం ముందుకు తీసుకెళ్లే విషయంలో అంత గొప్పగా ప్లాన్ చేస్తాడు. ప్రధానమైన పాత్రలకి సంబంధించి ఒక్కో లుక్ ను వదులుతూ .. ఒక్కో పాత్రను పరిచయం చేస్తూ వెళతాడు. కథలోనే కాదు పబ్లిసిటీ పరంగా కూడా ఎక్కడ ఎప్పుడు ఏ పాత్రను రివీల్ చేయాలనే విషయం ఆయనకి బాగా తెలుసు.
'ఆర్ ఆర్ ఆర్' విషయంలోను ఆయన అదే పద్ధతిని అనుసరించాడు. ఎన్టీఆర్ - చరణ్ పాత్రలకి సంబంధించి వదిలిన పోస్టర్లు .. ఆ వెంటనే ఇద్దరి పాత్రలను హైలైట్ చేస్తూ వదిలిన ట్రైలర్ సినిమాపై అంచనాలను అమాంతంగా పెంచేశాయి. జనవరి 7వ తేదీన ఈ సినిమాను విడుదల చేస్తుండటంతో, నిన్న ముంబైలో ప్రీ రిలీజ్ ఈవెంట్ ను నిర్వహించారు.
ఈ వేదికపై రాజమౌళి మాట్లాడుతూ .. "ఈ సినిమా థియేటర్లకు వచ్చే సమయం కోసం నేను కూడా మీ అందరిలానే ఎంతో ఆసక్తితో ఎదురుచూస్తున్నాను. ఈ సినిమాలో ప్రతి ఒక్కరికీ గూస్ బంప్స్ తెప్పించే ఎపిసోడ్ ఒకటి ఉంది. కీలకమైన ఆ ఎపిసోడ్ సెకండాఫ్ లో వస్తుంది. సినిమా మొత్తానికి హైలైట్ నిలిచే ఎపిసోడ్ అది.
ఆ ఎపిసోడ్ ఏమిటనేది నేను చెప్పను .. మీరు థియేటర్లో చూడవలసిందే. అది ఎలా ఉంటుందనేది ఎక్స్ పీరియన్స్ చేయవలసిందే" అంటూ ఈ సినిమాపై మరింత కుతూహలాన్ని పెంచాడు. 'బాహుబలి' .. 'బాహుబలి 2' తరువాత, పూర్తిగా అందుకు భిన్నమైన జోనర్లో రాజమౌళి చేసిన ఈ సినిమా, సంచలనానికి సరిహద్దుగా నిలుస్తుందేమో చూడాలి.