బూతు సినిమాలను కూడా సిరీస్ గానూ, సీక్వెల్స్ గానూ తీసేయచ్చని బాలీవుడ్ జనాలు బాగానే ప్రూవ్ చేస్తున్నారు. స్టోరీ అవసరం లేదు.. కంటెంట్ తో పనిలేదు.. కావాల్సిందల్లా అందాలు - ఆరబోతలు - మూతి ముద్దులు - ఒకరిపై మీద ఒకరు పడి దొర్లడాలు. ఇంతే ఉంటాయి హేట్ స్టోరీలో. ఇప్పటికి రెండు సినిమాలొచ్చాయి. అందాలు ఎరవేసి విలన్ పై ఎలా పగ తీర్చుకున్నారన్నదే కాన్సెప్ట్. మరీ ఏం లేకపోతే బాగోదని.. ఓ చిన్న లింక్ ని సస్పెన్స్ లా ఉండేలా ఏదో ఒకటి సెట్ చేస్తారు. అలాగని సినిమా చూసే వాళ్లకు ఆ థ్రిల్ ఏంటో కాసేపటికే అర్ధమయిపోతుంది. అయినా థియేటర్ నుంచి కదల్లేరు ఎవరూ.
కారణం.. అసలు స్టోరీ కోసమైతే హేట్ స్టోరీకి వెళ్లరు కదా. వాళ్లు వెళ్లేది వేరే వాటికోసం. అవి అక్కడ కనిపిస్తుంటాయి. రీసెంట్ గా హేట్ స్టోరీ-3పై బాలీవుడ్ లో రచ్చ లాంటి చర్చ జరుగుతోంది. ఈ మూవీ టీజర్ యూట్యూబ్ లో రిలీజ్ చేసిన 13 రోజుల్లో కోటి 73 లక్షల హిట్స్ వచ్చాయి. దీంతో మాంజి జోష్ మీదున్న ప్రొడ్యూసర్ ఇప్పుడో సాంగ్ ని జనాలపైకి వదిలాడు. డిసెంబర్ 4న రానున్న ఈ చిత్రం ప్రమోషన్‌ లో భాగంగా ఓ సాంగ్ ని రిలీజ్ చేసింది యూనిట్.
మొదటి ట్రైలర్ డైసీ షాపై దృష్టి పెట్టిన డైరెక్టర్.. ఈసారి జరైన్ ఖాన్ పై ఫోకస్ పెట్టాడు. ఈ హీరోయిన్‌ని బాగా హాట్ హాట్‌గా చూపించాడు. లిప్ కిస్ లు - లోనెక్ లు - అండర్ వేర్స్ తో యాక్టింగ్ లు.. ఇవీ సాంగ్ నిండా ఉన్న సరుకు. ఇందులో ఉన్న మసాలా చూస్తేఈ వీడియో కూడా కూడా రికార్డులు సృష్టించడం ఖాయంగా కనిపిస్తోంది. చూస్తుంటే.. మూవీకి వెళ్లినవాళ్లని ఏమాత్రం నిరుత్సాహపరిచేలా లేరు హేట్ స్టోరీ3 యూనిట్.