పిక్‌ టాక్ : పింక్ చీర కట్టులో తంగం అందం
ఎన్టీఆర్‌ హీరోగా కొరటాల శివ దర్శకత్వంలో రూపొంది ప్రేక్షకుల ముందుకు వచ్చిన 'దేవర' సినిమాలో తంగం పాత్రలో కనిపించి మెప్పించిన ముద్దుగుమ్మ జాన్వీ కపూర్.
ఎన్టీఆర్‌ హీరోగా కొరటాల శివ దర్శకత్వంలో రూపొంది ప్రేక్షకుల ముందుకు వచ్చిన 'దేవర' సినిమాలో తంగం పాత్రలో కనిపించి మెప్పించిన ముద్దుగుమ్మ జాన్వీ కపూర్. టాలీవుడ్‌ లో మొదటి సారి కనిపించి మంచి విజయాన్ని సొంతం చేసుకుంది. జాన్వీ కపూర్ కెరీర్‌లో మొదటి భారీ విజయంగా దేవర సినిమా నిలిచింది. ఇండస్ట్రీలో అడుగు పెట్టి చాలా కాలం అయినా ఇప్పటి వరకు ఆమె కు దక్కని విజయం దేవర సినిమాతో దక్కింది. దేవర విడుదలకు ముందే జాన్వీ కపూర్ కి టాలీవుడ్‌ లో మెగా పవర్‌ స్టార్‌ రామ్‌ చరణ్ కి జోడీగా బుచ్చిబాబు దర్శకత్వంలో సినిమాను చేసే అవకాశం దక్కింది. ఆ సినిమాపై అంచనాలు భారీగా ఉన్నాయి.
టాలీవుడ్‌లో వరుసగా సినిమాలు చేస్తూనే బాలీవుడ్‌లోనూ సినిమా ఛాన్స్ లు దక్కించుకుంటూ బిజీగా ఉంది. ఆకట్టుకునే అందం తన సొంతం అంటూ ప్రతి ఫోటో షూట్‌ తోనూ కన్నుల విందు చేసే జాన్వీ కపూర్ మరోసారి ఆకట్టుకుంది. దీపావళి స్పెషల్‌గా జాన్వీ కపూర్ ఆకట్టుకునే అందమైన చీర కట్టు ఫోటోలను షేర్ చేసింది. పింక్ చీర కట్టులో ఈ అమ్మడు మతి పోగొట్టింది. నెట్టెడ్‌ చీర కట్టడం ద్వారా నడుము అందం చూపిస్తూ, మరింత అందంగా కనిపిస్తోంది అంటూ నెటిజన్స్ జాన్వీ కపూర్ అందంపై కామెంట్స్ చేస్తున్నారు. సినిమాల్లో కంటే ఇలా మరింత అందంగా ఉన్నారంటూ కామెంట్స్ చేస్తున్నారు.
అతిలోక సుందరి శ్రీదేవి వారసురాలుగా ఇండస్ట్రీలో ఎంట్రీ ఇచ్చిన జాన్వీ కపూర్ కేవలం నటన పరంగానే కాకుండా అందం పరంగానూ తన తల్లికి ఏమాత్రం తీసి పోకుండా ఫ్యాన్స్ ను ఆకట్టుకుంది. సోషల్‌ మీడియాలో ఈమె రెగ్యులర్‌ గా షేర్ చేసే అందమైన ఫోటో షూట్‌ కారణంగానే ఇంత బిజీగా సినిమాలు చేస్తుందని అంటున్న వారు లేక పోలేదు, అందుకే సోషల్‌ మీడియాలో ఈమె అందం మరింతగా కన్నుల విందు చేస్తోంది. ఆకట్టుకునే అందంతో పాటు, నటన పరంగానూ ఒక్క సినిమాతో మంచి మార్కులు దక్కించుకుంటూ ఇండస్ట్రీలో ఆమెకు తిరుగు ఉండదు అనే అభిప్రాయం వ్యక్తం అవుతోంది.
దేవర సినిమాలో తంగం పాత్రలో నటించిన జాన్వీ కపూర్ అందాల ప్రదర్శనకే పరిమితం అయింది. నటించేందుకు ఎక్కువ స్కోప్‌ దక్కలేదు. అయితే పాటల్లో, సన్నివేశాల్లో జాన్వీ కపూర్ అందంకు నెటిజన్స్ ఫిదా అయ్యారు. ఎన్టీఆర్‌ కి సరి జోడీ అన్నట్లుగా ఉందని కామెంట్స్ వస్తున్నాయి. ముందు ముందు మరిన్ని తెలుగు సినిమాల్లో జాన్వీ కపూర్ నటించాలని శ్రీదేవి ఫ్యాన్స్ కోరుకుంటున్నారు. తప్పకుండా మంచి సినిమాగా త్వరలో నటించబోతున్న చరణ్, బుచ్చిబాబు సినిమా జాన్వీ కపూర్ కి పేరు తెచ్చి పెడుతుందనే నమ్మకం వ్యక్తం అవుతోంది. సోషల్‌ మీడియాలో జాన్వీ కపూర్ మరోసారి చీర కట్టు ఫోటోలతో వైరల్‌ అవుతోంది.