దేవర ఇంటర్వెల్ బ్యాంగ్.. ఎలా ఉంటుందంటే..

కమర్షియల్ యాక్షన్ జోనర్ లో వచ్చే ఏ సినిమాలో అయిన ఇంటర్వెల్ సీక్వెన్స్ హైవోల్టేజ్ లో ఉంటాయి. ప్రేక్షకులకి గూస్ బాంబ్స్ తెప్పించేలా హీరోయిజాన్ని ఎలివేట్ చేస్తూ ఇంటర్వెల్ యాక్షన్ సీక్వెన్స్ డిజైన్ చేస్తారు. సెకెండాఫ్ మీద ఆడియన్స్ కి క్యూరియాసిటీ పెంచాలంటే కచ్చితంగా బలమైన ఇంటర్వెల్ బ్యాంగ్ ఉండాల్సిందే. ప్రేక్షకుల నుంచి క్రిటిక్స్ వరకు ఈ ఇంటర్వెల్ సీక్వెన్స్ గురించి రివ్యూలు, పబ్లిక్ టాక్ లో ప్రత్యేకంగా ప్రస్తావిస్తారు. అందుకే మేకర్స్ అందరూ కూడా ఈ ఇంటర్వెల్ బ్యాంగ్ కోసం చాలా కసరత్తు చేస్తారు.

వీలైనంత కొత్తగా ఆవిష్కరించాలని అనుకుంటారు. ‘దేవర’ మూవీ ఇంటర్వెల్ యాక్షన్ సీక్వెన్స్ ని కూడా కొరటాల శివ డిఫరెంట్ గా ప్రజెంట్ చేసే ప్రయత్నం చేశారట. ఈ విషయాన్ని ఆయన ఇంటర్వ్యూలో తెలిపారు. ఆయన మాట్లాడుతూ.. ఇంటర్వెల్ సీక్వెన్స్ లో యాక్షన్ ఎలివేషన్ భారీగానే ఉంటుంది. హెవీ రక్తపాతం కనిపిస్తుంది. అయితే ఈ సీక్వెన్స్ చాలా అందమైన పెయింటింగ్ లా ఉంటుంది. టీజర్ లో చూపించినట్లు ఆకాశంలో అర్ధచంద్రుడిని బ్లడ్ షాట్ సంపూర్ణంగా మారుస్తుంది.

విజువల్ ప్రెజెన్స్ కూడా చాలా పోయెటిక్ గా ఉంటుంది. ఎరుపెక్కిన సముద్రంతో తీరం ప్రేక్షకులకి సరికొత్త ఫీలింగ్ కి ఇస్తుంది.. అని కొరటాల శివ చెప్పారు. ఈ సీక్వెన్స్ చూస్తున్నంత సేపు పెయింటింగ్ చూసిన అనుభూతి కలుగుతుందని, హింసాత్మకంగా ఉండదని కొరటాల అన్నారు. కొరటాల వివరణ తర్వాత ఎన్టీఆర్ ఫ్యాన్స్ కి ఈ సీక్వెన్స్ చూడాలనే క్యూరియాసిటీ పెరిగింది. ‘ఆచార్య’ లాంటి డిజాస్టర్ తర్వాత కొరటాల నుంచి ‘దేవర’ మూవీ వస్తోంది.

అయితే ప్రస్తుతం పబ్లిక్ నుంచి వస్తోన్న స్పందన చూస్తుంటే ‘ఆచార్య’ ఇంపాక్ట్ ‘దేవర’పై పడలేదని తెలుస్తోంది. కొరటాల శివ కూడా ‘దేవర’ కథపైన చాలా వర్క్ చేసి రియలిస్టిక్ సంఘటనల స్ఫూర్తితో డిఫరెంట్ గా ప్రెజెంట్ చేశాడట. ఎన్టీఆర్ ఈ చిత్రంలో తండ్రీకొడుకులుగా రెండు పాత్రలలో కనిపిస్తున్నాడు. ‘దేవర’ క్యారెక్టర్ బేస్ చేసుకొని మూవీ కథాంశం అంతా ఉంటుందని ఇప్పటికే ఒక క్లారిటీ వచ్చింది. అయితే ఈ సినిమాలో వర క్యారెక్టర్ ద్వారా ‘దేవర’ పార్ట్ 2కి అదిరిపోయే లెవెల్ లో లీడ్ ఇవ్వబోతున్నారంట.

కచ్చితంగా ఈ లీడ్ ‘దేవర’ పార్ట్ 2పైన ఎక్స్ పెక్టేషన్స్ పెంచుతుందని భావిస్తున్నారు. సినిమాలో యాక్షన్ ఘట్టాలని కొరటాల శివ చాలా ప్రత్యేకంగా డిజైన్ చేసాడని ప్రమోషన్స్ లో ఎన్టీఆర్ కూడా చెప్పారు. అలాగే ఒక సర్ప్రైజింగ్ ఎలిమెంట్ కూడా ఉంటుందని అన్నారు. అదేంటో చూడాలనే ఆసక్తి ఫ్యాన్స్ లో ఉంది.